مەملەكەت باسشىسى قاسىم-جومارت توقاەۆ پرەزيدەنت جانىنان ەكونوميكالىق قىلمىستارمەن كٷرەس اگەنتتٸگٸن قۇرۋدى تاپسىردى, دەپ حابارلايدى "ۇلت اقپارات".
"ٶتكەن جىلى «كٶلەڭكەلٸ» ەكونوميكا سالاسىندا ۇيىمداسقان قىلمىستىق توپتارعا قاتىستى ٸستەردٸڭ رەكوردتى سانى قوزعالدى. 73 قىلمىستىق توپتىڭ ەرەكەتٸنە توسقاۋىل قويىلىپ, قارجىنى قولما قول اقشاعا اينالدىرۋ كٶلەمٸ ازايدى. بۇل قادامدار - وسى جۇمىستىڭ تەك باسى عانا.
جالعان كەسٸپورىندار مەن قاساقانا سالىق تٶلەمەيتٸندەرمەن جۇمىستى جٷيەلٸ تٷردە كٷشەيتۋ قاجەت. وڭتايلى قارقىندى ساقتاۋ ٷشٸن اتالعان بٶلٸمشەنٸڭ مەرتەبەسٸن كٶتەرٸپ, بارىنشا قىسقا مەرزٸمدە قر پرەزيدەنتٸ جانىنداعى ەكونوميكالىق قىلمىستارمەن كٷرەس اگەنتتٸگٸن قۇرۋ كەرەك. بۇل ٶز كەزەگٸندە شەشٸمدەردٸڭ دەربەستٸگٸن ارتتىرىپ, مٷددەلەر قاقتىعىسىن جويادى", - دەدٸ توقاەۆ ٷكٸمەتتٸڭ كەڭەيتٸلگەن وتىرىسىندا.
Abishev Analytics Telegram-كانالى "پرەزيدەنت جانىنان" دەگەن سٶز اگەنتتٸك پارلامەنتكە دە, قاۋٸپسٸزدٸك كەڭەسٸنە دە باعىنبايتىنىن بٸلدٸرۋٸ مٷمكٸن دەپ جازدى.
بۇدان بٶلەك, پرەزيدەنت ٷكٸمەتكە 1 قىركٷيەككە دەيٸن مەملەكەت شەكاراسىندا زاڭسىز تاۋار اينالىمىنا قارسى ٸس-قيمىلدىڭ كەشەندٸ باعدارلاماسىن ەزٸرلەۋدٸ تاپسىردى.
