«Aýyl» halyqtyq demokratiialyq patriottar partiiasy tóraǵasynyń birinshi orynbasary, Ulttyq qoǵamdyq senim keńesiniń múshesi Tóleýtai Raqymbekov Prezident bastamalaryna qatysty pikir bildirdi, dep habarlaidy QazAqparat.
«Aýyl» halyqtyq demokratiialyq patriottar partiiasy músheleriniń pikiri boiynsha, sońǵy sailaý óte joǵary deńgeide ótken. Buǵan Memleket basshysy Qasym-Jomart Toqaevtyń bastamasymen saiasi jańǵyrý turǵysyndaǵy qadamdar yqpal etti. Sonymen qatar bul bastamalarǵa Ulttyq qoǵamdyq senim keńesi qoldaý bildirgen edi. Atap aitqanda, qabyldanǵan sharalardyń arqasynda partiialar jumysyn jandandyrdy. Ásirese, óńirlerde belsendi jumystardy baiqadyq», - T. Raqymbekov «Prezidenttik jańa saiasi reformalar paketi» taqyrybyndaǵy sarapshylyq talqylaý barysynda.
Sarapshynyń paiymynsha, Memleket basshysynyń saiasi partiialardyń Májiliske ótý shegin 7-den 5 paiyzǵa deiin túsirýge , sondai-aq sailaý biýlletenderine «bárine qarsymyn» degen jazý engizýge qatysty usynysy partiialar jumysynyń budan ary qarai jandandyrady.
«Sonymen qatar, azamattar bul baǵyttaǵy protseske qyzyǵýshylyq tanytady. «Aýyl» partiiasyna osy qadamdar ózekti bolyp tur, óitkeni partiiamyz sailaýda 5 paiyzdan astam daýys jinaǵan edi. Sailaýǵa qatysý qorytyndysyn «Aýyl» partiiasy jeńilis retinde qarastyrmaidy. Bizdiń kandidattar Májiliske ótpese de, jalpy sailaý qorytyndysyn ońtaily dep baǵalap otyrmyz», - dedi T. Raqymbekov.
Onyń sózine qaraǵanda, partiia atynan depýtatyqqa kandidat retinde 625 adam tirkeldi. Sonyń arasynda 19-y Májiliske, al qalǵandary túrli deńgeidegi máslihatqa kandidat retinde qarastyryldy.
«Aldyn ala jospar boiynsha osy kandidattardyń shamamen 40 paiyzyn depýtattyqa ótýin eskergen edik, iaǵni 240 mandat alý boljamy qarastyryldy. Is júzinde 237 mandatqa qol jetizildi, osy oraida jospar oryndaldy dep aitýǵa bolady. Bul óz kezeginde 2016 jyldaǵy kórsetkishten 6,5 esege artyq, ol kezde bizde 37 depýtat máslihattarda qyzmet etti», - dedi «Aýyl» partiiasynyń ókili.
