«اۋىل» حالىقتىق دەموكراتييالىق پاتريوتتار پارتيياسى تٶراعاسىنىڭ بٸرٸنشٸ ورىنباسارى, ۇلتتىق قوعامدىق سەنٸم كەڭەسٸنٸڭ مٷشەسٸ تٶلەۋتاي راقىمبەكوۆ پرەزيدەنت باستامالارىنا قاتىستى پٸكٸر بٸلدٸردٸ, دەپ حابارلايدى قازاقپارات.
«اۋىل» حالىقتىق دەموكراتييالىق پاتريوتتار پارتيياسى مٷشەلەرٸنٸڭ پٸكٸرٸ بويىنشا, سوڭعى سايلاۋ ٶتە جوعارى دەڭگەيدە ٶتكەن. بۇعان مەملەكەت باسشىسى قاسىم-جومارت توقاەۆتىڭ باستاماسىمەن ساياسي جاڭعىرۋ تۇرعىسىنداعى قادامدار ىقپال ەتتٸ. سونىمەن قاتار بۇل باستامالارعا ۇلتتىق قوعامدىق سەنٸم كەڭەسٸ قولداۋ بٸلدٸرگەن ەدٸ. اتاپ ايتقاندا, قابىلدانعان شارالاردىڭ ارقاسىندا پارتييالار جۇمىسىن جانداندىردى. ەسٸرەسە, ٶڭٸرلەردە بەلسەندٸ جۇمىستاردى بايقادىق», - ت. راقىمبەكوۆ «پرەزيدەنتتٸك جاڭا ساياسي رەفورمالار پاكەتٸ» تاقىرىبىنداعى ساراپشىلىق تالقىلاۋ بارىسىندا.
ساراپشىنىڭ پايىمىنشا, مەملەكەت باسشىسىنىڭ ساياسي پارتييالاردىڭ مەجٸلٸسكە ٶتۋ شەگٸن 7-دەن 5 پايىزعا دەيٸن تٷسٸرۋگە , سونداي-اق سايلاۋ بيۋللەتەندەرٸنە «بەرٸنە قارسىمىن» دەگەن جازۋ ەنگٸزۋگە قاتىستى ۇسىنىسى پارتييالار جۇمىسىنىڭ بۇدان ارى قاراي جانداندىرادى.
«سونىمەن قاتار, ازاماتتار بۇل باعىتتاعى پروتسەسكە قىزىعۋشىلىق تانىتادى. «اۋىل» پارتيياسىنا وسى قادامدار ٶزەكتٸ بولىپ تۇر, ٶيتكەنٸ پارتييامىز سايلاۋدا 5 پايىزدان استام داۋىس جيناعان ەدٸ. سايلاۋعا قاتىسۋ قورىتىندىسىن «اۋىل» پارتيياسى جەڭٸلٸس رەتٸندە قاراستىرمايدى. بٸزدٸڭ كانديداتتار مەجٸلٸسكە ٶتپەسە دە, جالپى سايلاۋ قورىتىندىسىن وڭتايلى دەپ باعالاپ وتىرمىز», - دەدٸ ت. راقىمبەكوۆ.
ونىڭ سٶزٸنە قاراعاندا, پارتييا اتىنان دەپۋتاتىققا كانديدات رەتٸندە 625 ادام تٸركەلدٸ. سونىڭ اراسىندا 19-ى مەجٸلٸسكە, ال قالعاندارى تٷرلٸ دەڭگەيدەگٸ مەسليحاتقا كانديدات رەتٸندە قاراستىرىلدى.
«الدىن الا جوسپار بويىنشا وسى كانديداتتاردىڭ شامامەن 40 پايىزىن دەپۋتاتتىقا ٶتۋٸن ەسكەرگەن ەدٸك, ياعني 240 ماندات الۋ بولجامى قاراستىرىلدى. ٸس جٷزٸندە 237 مانداتقا قول جەتٸزٸلدٸ, وسى ورايدا جوسپار ورىندالدى دەپ ايتۋعا بولادى. بۇل ٶز كەزەگٸندە 2016 جىلداعى كٶرسەتكٸشتەن 6,5 ەسەگە ارتىق, ول كەزدە بٸزدە 37 دەپۋتات مەسليحاتتاردا قىزمەت ەتتٸ», - دەدٸ «اۋىل» پارتيياسىنىڭ ٶكٸلٸ.
