Sýret: Aqorda
Bala quqyqtary jónindegi ýákil Prezidentke bir jyl ishinde balalardyń quqyqtaryn qorǵaý jáne qaýipsizdigin qamtamasyz etý maqsatynda atqarylǵan jumystar jóninde esep berdi, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaev áielder men balalardyń quqyqtaryn qorǵaý baǵytynda qabyldanǵan zańnamalyq ózgeristerdiń nátijesinde turmystyq zorlyq-zombylyqtyń aldyn alý sharalary kúsheitilgenin jáne balalarǵa qatysty zorlyqtyń kez kelgen túrine jaza qatańdatylǵanyn atap ótti. Zańǵa Bala quqyqtary jónindegi ýákil men azamattyq qoǵam sektory birlese usynǵan normalar toptamasy endi.
Dinara Zákieva qazir atalǵan zańnamalyq normalardy naqty júzege asyrý úshin belsendi jumys júrgizilip jatqanyn aitty.
«111» biryńǵai bailanys júiesi iske qosyldy. Sondai-aq mektepterde býllingpen kúresý úshin KiVa baǵdarlamasy jáne 2024 jyldyń qyrkúiek aiynan bastap qaýipsizdik sabaqtary engiziledi», — dedi ol.
Bala quqyqtary jónindegi ýákildiń aitýynsha:
- — balalarǵa arnalǵan meditsinalyq-áleýmettik mekemelerdiń qyzmetkerleri úshin arnaiy oqý kýrsy bastalady;
- — qorǵanshylyq jáne qamqorshylyq organdaryn kúsheitý máselesi pysyqtalyp jatyr;
- — «Samuryq-Qazyna» ulttyq ál-aýqat qorymen, sondai-aq «Qazaqstan halqyna» jáne «Qamqorlyq» qorlarymen seriktestik negizde 6 aýtizm ortalyǵy, 11 óńirlik ońaltý ortalyǵy ashyldy.
Bala quqyqtary jónindegi ýákildiń esebin tyńdaǵan soń Prezident quqyqtyq saýattylyq deńgeiin kóterý jáne oqýshylar arasynda «Zań men tártip» qaǵidatyn nasihattaý mańyzdy ekenin aitty.
«Osyǵan bailanysty Qasym-Jomart Toqaev Túrkistanda ótken Ulttyq quryltaidyń ekinshi otyrysynda bergen tapsyrmasyna sáikes Birtutas tárbie baǵdarlamasy ázirlengenin eske saldy. Atalǵan baǵdarlama óskeleń urpaqtyń boiyna adami jáne ulttyq qundylyqtardy sińirip, olardyń shyǵarmashylyq qabiletin shyńdaýdy, óz betinshe áreket etý jáne kreativti oilaý daǵdylaryn damytýdy kózdeidi. Dinara Zákievaǵa osy baǵdarlamany júzege asyrý úshin pedagogter men ata-analardyń arasyndaǵy jumysty úilestirý mindeti júkteldi», — delingen habarlamada.
Kezdesý barysynda jetim jáne ata-anasynyń qamqorlyǵynsyz qalǵan balalarǵa turǵyn úi bólý, sondai-aq aýyldyq jerlerde jetkinshekterge arnalǵan infraqurylymdy damytý máseleleri talqylandy.
Memleket basshysy balalar men jóspirimder arasynda sýitsidke itermeleitin jaǵdailardyń beleń alýyna jol bermeý úshin keshendi sharalar qabyldaý qajet ekenine nazar aýdardy. Sonymen qatar Qasym-Jomart Toqaev balalar travmatizmi men oqys oqiǵalardyń aldyn alý máselesin airyqsha baqylaýda ustaýdy tapsyrdy.
