سۋرەت: اقوردا
بالا قۇقىقتارى جٶنٸندەگٸ ۋەكٸل پرەزيدەنتكە بٸر جىل ٸشٸندە بالالاردىڭ قۇقىقتارىن قورعاۋ جەنە قاۋٸپسٸزدٸگٸن قامتاماسىز ەتۋ ماقساتىندا اتقارىلعان جۇمىستار جٶنٸندە ەسەپ بەردٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قاسىم-جومارت توقاەۆ ەيەلدەر مەن بالالاردىڭ قۇقىقتارىن قورعاۋ باعىتىندا قابىلدانعان زاڭنامالىق ٶزگەرٸستەردٸڭ نەتيجەسٸندە تۇرمىستىق زورلىق-زومبىلىقتىڭ الدىن الۋ شارالارى كٷشەيتٸلگەنٸن جەنە بالالارعا قاتىستى زورلىقتىڭ كەز كەلگەن تٷرٸنە جازا قاتاڭداتىلعانىن اتاپ ٶتتٸ. زاڭعا بالا قۇقىقتارى جٶنٸندەگٸ ۋەكٸل مەن ازاماتتىق قوعام سەكتورى بٸرلەسە ۇسىنعان نورمالار توپتاماسى ەندٸ.
دينارا زەكيەۆا قازٸر اتالعان زاڭنامالىق نورمالاردى ناقتى جٷزەگە اسىرۋ ٷشٸن بەلسەندٸ جۇمىس جٷرگٸزٸلٸپ جاتقانىن ايتتى.
«111» بٸرىڭعاي بايلانىس جٷيەسٸ ٸسكە قوسىلدى. سونداي-اق مەكتەپتەردە بۋللينگپەن كٷرەسۋ ٷشٸن كiVa باعدارلاماسى جەنە 2024 جىلدىڭ قىركٷيەك ايىنان باستاپ قاۋٸپسٸزدٸك ساباقتارى ەنگٸزٸلەدٸ», — دەدٸ ول.
بالا قۇقىقتارى جٶنٸندەگٸ ۋەكٸلدٸڭ ايتۋىنشا:
- — بالالارعا ارنالعان مەديتسينالىق-ەلەۋمەتتٸك مەكەمەلەردٸڭ قىزمەتكەرلەرٸ ٷشٸن ارنايى وقۋ كۋرسى باستالادى;
- — قورعانشىلىق جەنە قامقورشىلىق ورگاندارىن كٷشەيتۋ مەسەلەسٸ پىسىقتالىپ جاتىر;
- — «سامۇرىق-قازىنا» ۇلتتىق ەل-اۋقات قورىمەن, سونداي-اق «قازاقستان حالقىنا» جەنە «قامقورلىق» قورلارىمەن سەرٸكتەستٸك نەگٸزدە 6 اۋتيزم ورتالىعى, 11 ٶڭٸرلٸك وڭالتۋ ورتالىعى اشىلدى.
بالا قۇقىقتارى جٶنٸندەگٸ ۋەكٸلدٸڭ ەسەبٸن تىڭداعان سوڭ پرەزيدەنت قۇقىقتىق ساۋاتتىلىق دەڭگەيٸن كٶتەرۋ جەنە وقۋشىلار اراسىندا «زاڭ مەن تەرتٸپ» قاعيداتىن ناسيحاتتاۋ ماڭىزدى ەكەنٸن ايتتى.
«وسىعان بايلانىستى قاسىم-جومارت توقاەۆ تٷركٸستاندا ٶتكەن ۇلتتىق قۇرىلتايدىڭ ەكٸنشٸ وتىرىسىندا بەرگەن تاپسىرماسىنا سەيكەس بٸرتۇتاس تەربيە باعدارلاماسى ەزٸرلەنگەنٸن ەسكە سالدى. اتالعان باعدارلاما ٶسكەلەڭ ۇرپاقتىڭ بويىنا ادامي جەنە ۇلتتىق قۇندىلىقتاردى سٸڭٸرٸپ, ولاردىڭ شىعارماشىلىق قابٸلەتٸن شىڭداۋدى, ٶز بەتٸنشە ەرەكەت ەتۋ جەنە كرەاتيۆتٸ ويلاۋ داعدىلارىن دامىتۋدى كٶزدەيدٸ. دينارا زەكيەۆاعا وسى باعدارلامانى جٷزەگە اسىرۋ ٷشٸن پەداگوگتەر مەن اتا-انالاردىڭ اراسىنداعى جۇمىستى ٷيلەستٸرۋ مٸندەتٸ جٷكتەلدٸ», — دەلٸنگەن حابارلامادا.
كەزدەسۋ بارىسىندا جەتٸم جەنە اتا-اناسىنىڭ قامقورلىعىنسىز قالعان بالالارعا تۇرعىن ٷي بٶلۋ, سونداي-اق اۋىلدىق جەرلەردە جەتكٸنشەكتەرگە ارنالعان ينفراقۇرىلىمدى دامىتۋ مەسەلەلەرٸ تالقىلاندى.
مەملەكەت باسشىسى بالالار مەن جٶسپٸرٸمدەر اراسىندا سۋيتسيدكە يتەرمەلەيتٸن جاعدايلاردىڭ بەلەڭ الۋىنا جول بەرمەۋ ٷشٸن كەشەندٸ شارالار قابىلداۋ قاجەت ەكەنٸنە نازار اۋداردى. سونىمەن قاتار قاسىم-جومارت توقاەۆ بالالار تراۆماتيزمٸ مەن وقىس وقيعالاردىڭ الدىن الۋ مەسەلەسٸن ايرىقشا باقىلاۋدا ۇستاۋدى تاپسىردى.
