Memleket basshysy Qasym-Jomart Toqaev Qorǵanys ministri Dáýren Qosanovty qabyldap, Qarýly kúshterdiń biylǵy jumysynyń qorytyndylary men aldaǵy mindetterin talqylady, dep habarlaidy ult.kz.
Kezdesý barysynda ministr Prezidentke áskerdiń jaýyngerlik daiarlyǵy, áskeri qyzmetshilerdi áleýmettik qorǵaý sharalary jáne áskeri qyzmettiń bedelin arttyrý baǵytynda atqarylyp jatqan jumystar týraly baiandady.
Dáýren Qosanovtyń aitýynsha, Qorǵanys ministrligi Tsifrlandyrý jáne jasandy intellekt jyly aiasynda avtomattandyrylǵan basqarý júieleri men tsifrlyq infraqurylymdy damytý jumystaryn júrgizip jatyr. Sondai-aq áskerlerdiń jaýyngerlik áleýetin arttyrýǵa baǵyttalǵan «Batyl toitarys – 2026» strategiialyq komandalyq-shtabtyq oqý-jattyǵýlaryna daiyndyq barysy tanystyryldy.
Ministr Golan jotalaryndaǵy ekinshi ulttyq kontingent missiiasynyń sátti aiaqtalǵanyn jáne úshinshi kontingenttiń rotatsiiasy bastalǵanyn habarlady. Onyń aitýynsha, qazaqstandyq bitimgerlerdiń qyzmetine halyqaralyq qaýymdastyq joǵary baǵa bergen.
Kezdesýde áskerge shaqyrý naýqanynyń ótý barysy men áskeri qyzmetshilerdiń mártebesin kóterý boiynsha qabyldanyp jatqan sharalar da sóz boldy.
Sonymen qatar taraptar 21-27 maýsym aralyǵynda Býrabaida ótetin «Aibyn – 2026» halyqaralyq áskeri-patriottyq jastar jiynyna daiyndyq máselelerin talqylady.
Kezdesý qorytyndysynda Prezident Qasym-Jomart Toqaev Qarýly kúshterdiń jaýyngerlik daiarlyǵyn jetildirý, armiiany tsifrlyq turǵydan jańǵyrtý jáne eldiń qorǵanys qabiletin odan ári nyǵaitý jóninde birqatar naqty tapsyrma berdi.
