Prezident Sybailas jemqorlyqqa qarsy is-qimyl agenttiginiń basshylyq quramymen beinebailanys arqyly keńes ótkizip, jańadan taǵaiyndalǵan tóraǵa Oljas Bektenovti tanystyrdy, dep habarlaidy Aqorda.
Qasym-Jomart Toqaev Agenttiktiń burynǵy tóraǵasy Marat Ahmetjanovqa atqarǵan jumysy úshin rizashylyǵyn bildirip, onyń jańa qyzmetine tabys tiledi.
Memleket basshysy Agenttiktiń jańa tóraǵasy men jeke quramyna sybailas jemqorlyq qylmystary úshin jaýapkershilikten jaltaryp ketpeýdi qamtamasyz etýge, qoǵamda sybailas jemqorlyqqa tózbeý ideologiiasyn kúsheitýge, memlekettik qyzmet týraly qoǵamdaǵy jaǵymsyz pikirdi ózgertýge baǵyttalǵan birqatar mindet júktedi.
Sonymen qatar Prezident elden urlanyp ketken aktivterdi qaitarýǵa erekshe nazar aýdarý kerek ekenin aitty.
Memleket basshysy 2022-2026 jyldarǵa arnalǵan sybailas jemqorlyqqa qarsy saiasattyń jaqynda bekitilgen tujyrymdamasyn qalyptasqan ahýaldy sapaly ózgertýdiń mańyzdy quramdas bóligi retinde atap ótti.
