پرەزيدەنت سىبايلاس جەمقورلىققا قارسى ٸس-قيمىل اگەنتتٸگٸنٸڭ باسشىلىق قۇرامىمەن بەينەبايلانىس ارقىلى كەڭەس ٶتكٸزٸپ, جاڭادان تاعايىندالعان تٶراعا ولجاس بەكتەنوۆتٸ تانىستىردى, دەپ حابارلايدى اقوردا.
قاسىم-جومارت توقاەۆ اگەنتتٸكتٸڭ بۇرىنعى تٶراعاسى مارات احمەتجانوۆقا اتقارعان جۇمىسى ٷشٸن ريزاشىلىعىن بٸلدٸرٸپ, ونىڭ جاڭا قىزمەتٸنە تابىس تٸلەدٸ.
مەملەكەت باسشىسى اگەنتتٸكتٸڭ جاڭا تٶراعاسى مەن جەكە قۇرامىنا سىبايلاس جەمقورلىق قىلمىستارى ٷشٸن جاۋاپكەرشٸلٸكتەن جالتارىپ كەتپەۋدٸ قامتاماسىز ەتۋگە, قوعامدا سىبايلاس جەمقورلىققا تٶزبەۋ يدەولوگيياسىن كٷشەيتۋگە, مەملەكەتتٸك قىزمەت تۋرالى قوعامداعى جاعىمسىز پٸكٸردٸ ٶزگەرتۋگە باعىتتالعان بٸرقاتار مٸندەت جٷكتەدٸ.
سونىمەن قاتار پرەزيدەنت ەلدەن ۇرلانىپ كەتكەن اكتيۆتەردٸ قايتارۋعا ەرەكشە نازار اۋدارۋ كەرەك ەكەنٸن ايتتى.
مەملەكەت باسشىسى 2022-2026 جىلدارعا ارنالعان سىبايلاس جەمقورلىققا قارسى ساياساتتىڭ جاقىندا بەكٸتٸلگەن تۇجىرىمداماسىن قالىپتاسقان احۋالدى ساپالى ٶزگەرتۋدٸڭ ماڭىزدى قۇرامداس بٶلٸگٸ رەتٸندە اتاپ ٶتتٸ.
