Foto: primeminister.kz
Memleket basshysy «Alataý qalasynyń arnaýly quqyqtyq rejimi týraly» Qazaqstan Respýblikasynyń Konstitýtsiialyq zańyna qol qoidy. Bul týraly Aqorda habarlady.
Qujattyń negizgi maqsaty – Alataý qalasynyń qarqyndy ári ornyqty damýyna jaǵdai jasaý. Zań aiasynda investitsiialar tartý, innovatsiialardy damytý jáne ekonomikalyq ósim úshin qolaily orta qalyptastyrý kózdelgen.
Konstitýtsiialyq zańǵa sáikes, qalada memlekettik basqarýdyń jańa modeli engiziledi. Onda kásipkerlik, keden isi, tsifrlyq aktivter, áleýmettik sala, qarjy naryǵy, arhitektýra, ekologiia, mádeniet jáne sport sekildi baǵyttardy retteýdiń negizgi qaǵidalary aiqyndalǵan.
Sondai-aq «Alataý rezidenti» degen arnaiy quqyqtyq mártebe bekitildi. Bul mártebe belgili bir talaptarǵa sáikes jeke jáne zańdy tulǵalarǵa beriledi. Rezidentterge arnalǵan quqyqtar men mindetter arnaiy rejimge bailanysty belgilenedi.
Qalanyń uzaq merzimdi damýy strategiialyq qujattar negizinde júzege asyrylady. Atap aitqanda, damý jospary, master-jospar jáne arnaiy strategiia qabyldanady.
Sonymen qatar Alataýda «aqyldy qala» qaǵidattary engizilip, infraqurylym men qoǵamdyq qaýipsizdik júieleri biryńǵai tsifrlyq basqarý platformasyna biriktiriledi.
Qujatta investitsiialyq klimatty jaqsartý, investorlarǵa kepildikter berý, salyq-biýdjet saiasaty jáne jer qatynastary máseleleri de qamtylǵan.
Konstitýtsiialyq zańnyń tolyq mátini resmi baspasózde jariialanady.
