فوتو: primeminister.kz
مەملەكەت باسشىسى «الاتاۋ قالاسىنىڭ ارناۋلى قۇقىقتىق رەجيمٸ تۋرالى» قازاقستان رەسپۋبليكاسىنىڭ كونستيتۋتسييالىق زاڭىنا قول قويدى. بۇل تۋرالى اقوردا حابارلادى.
قۇجاتتىڭ نەگٸزگٸ ماقساتى – الاتاۋ قالاسىنىڭ قارقىندى ەرٸ ورنىقتى دامۋىنا جاعداي جاساۋ. زاڭ اياسىندا ينۆەستيتسييالار تارتۋ, يننوۆاتسييالاردى دامىتۋ جەنە ەكونوميكالىق ٶسٸم ٷشٸن قولايلى ورتا قالىپتاستىرۋ كٶزدەلگەن.
كونستيتۋتسييالىق زاڭعا سەيكەس, قالادا مەملەكەتتٸك باسقارۋدىڭ جاڭا مودەلٸ ەنگٸزٸلەدٸ. وندا كەسٸپكەرلٸك, كەدەن ٸسٸ, تسيفرلىق اكتيۆتەر, ەلەۋمەتتٸك سالا, قارجى نارىعى, ارحيتەكتۋرا, ەكولوگييا, مەدەنيەت جەنە سپورت سەكٸلدٸ باعىتتاردى رەتتەۋدٸڭ نەگٸزگٸ قاعيدالارى ايقىندالعان.
سونداي-اق «الاتاۋ رەزيدەنتٸ» دەگەن ارنايى قۇقىقتىق مەرتەبە بەكٸتٸلدٸ. بۇل مەرتەبە بەلگٸلٸ بٸر تالاپتارعا سەيكەس جەكە جەنە زاڭدى تۇلعالارعا بەرٸلەدٸ. رەزيدەنتتەرگە ارنالعان قۇقىقتار مەن مٸندەتتەر ارنايى رەجيمگە بايلانىستى بەلگٸلەنەدٸ.
قالانىڭ ۇزاق مەرزٸمدٸ دامۋى ستراتەگييالىق قۇجاتتار نەگٸزٸندە جٷزەگە اسىرىلادى. اتاپ ايتقاندا, دامۋ جوسپارى, ماستەر-جوسپار جەنە ارنايى ستراتەگييا قابىلدانادى.
سونىمەن قاتار الاتاۋدا «اقىلدى قالا» قاعيداتتارى ەنگٸزٸلٸپ, ينفراقۇرىلىم مەن قوعامدىق قاۋٸپسٸزدٸك جٷيەلەرٸ بٸرىڭعاي تسيفرلىق باسقارۋ پلاتفورماسىنا بٸرٸكتٸرٸلەدٸ.
قۇجاتتا ينۆەستيتسييالىق كليماتتى جاقسارتۋ, ينۆەستورلارعا كەپٸلدٸكتەر بەرۋ, سالىق-بيۋدجەت ساياساتى جەنە جەر قاتىناستارى مەسەلەلەرٸ دە قامتىلعان.
كونستيتۋتسييالىق زاڭنىڭ تولىق مەتٸنٸ رەسمي باسپاسٶزدە جارييالانادى.
