Qazaqstan Prezidenti «Samuryq-Qazyna» UÁQ» AQ basqarma tóraǵasy Ahmetjan Esimovti qabyldady, dep habarlaidy Aqordanyń baspasóz qyzmeti.
Kezdesý barysynda Qasym-Jomart Toqaevqa «Samuryq-Qazyna» UÁQ» aktsionerlik qoǵamynyń 2020 jyly atqarǵan jumystarynyń aldyn ala qorytyndylary týraly baiandaldy.
Jahandyq daǵdarys pen pandemiiaǵa qaramastan holding byltyr óz qyzmetin tabysty atqarǵan. Qorǵa qarasty kompaniialar qyzmetkerleriniń jappai qysqarýyna jol bermegen. Qor kompaniialarynyń aktivteriniń ósimi 800 milliard teńgege jetken.
Ahmetjan Esimov sońǵy 3 jylda «Samuryq-Qazyna» Ulttyq ál-aýqat qory zaimdardy óteý úshin óz bastamasymen Ulttyq qorǵa 554 milliard teńge qarjy aýdarǵan.
Holdingke qarasty kompaniialardyń biznes-úderisterin tsifrlyq transformatsiialaý nátijesinde 171 milliard teńge paida túsken.
Sonymen qatar Memleket basshysyna otandyq taýar óndirýshilerdi qoldaýǵa baǵyttalǵan aýqymdy jumystar týraly aqparat berildi. 2018-2020 jyldardyń qorytyndysyna sáikes satyp alýlar boiynsha únemdelgen qarjy 410 milliard teńge boldy.
Atqarylǵan aýqymdy jumystardyń nátijesinde «Samuryq-Qazyna» holdinginiń kredittik reitingi BB+/B «Turaqty» deńgeide ekenin halyqaralyq Standart & Poor`s reiting agenttigi naqtylady.
Ahmetjan Esimov «QazMunaiGaz» ulttyq kompaniiasy munai baǵasynyń edáýir arzandaǵanyna jáne OPEC+ kompaniiasynyń shekteýlerine qaramastan, qarjylyq reitingte oń kórsetkishin saqtap qaldy.
«Qazaqstan Temir Joly» aktsionerlik qoǵamy sońǵy 6 jylda birinshi ret ótken jyldy qarjylyq turǵydan paidamen aiaqtaǵan.
«Qazatomónerkásip» UK» aktsionerlik qoǵamy aktivteriniń quny IPO-ǵa (2018 jyly) shyǵarylǵaly beri 2,1 milliardtan 5,1 milliard AQSh dollaryna deiin kóterilgen.
«Samuryq–Energo» aktsionerlik qoǵamynyń qaryzy 100 milliard teńgege azaiyp, qarjy turaqtylyǵynyń «qyzyl» aimaǵynan «jasyl» aimaǵyna ótti.
Kezdesý sońynda Qazaqstan Prezidenti «Samuryq-Qazyna» UÁQ» AQ basqarma tóraǵasyna birqatar naqty tapsyrma berdi.
