قازاقستان پرەزيدەنتٸ «سامۇرىق-قازىنا» ۇەق» اق باسقارما تٶراعاسى احمەتجان ەسٸموۆتٸ قابىلدادى, دەپ حابارلايدى اقوردانىڭ باسپاسٶز قىزمەتٸ.
كەزدەسۋ بارىسىندا قاسىم-جومارت توقاەۆقا «سامۇرىق-قازىنا» ۇەق» اكتسيونەرلٸك قوعامىنىڭ 2020 جىلى اتقارعان جۇمىستارىنىڭ الدىن الا قورىتىندىلارى تۋرالى باياندالدى.
جاھاندىق داعدارىس پەن پاندەميياعا قاراماستان حولدينگ بىلتىر ٶز قىزمەتٸن تابىستى اتقارعان. قورعا قاراستى كومپانييالار قىزمەتكەرلەرٸنٸڭ جاپپاي قىسقارۋىنا جول بەرمەگەن. قور كومپانييالارىنىڭ اكتيۆتەرٸنٸڭ ٶسٸمٸ 800 ميلليارد تەڭگەگە جەتكەن.
احمەتجان ەسٸموۆ سوڭعى 3 جىلدا «سامۇرىق-قازىنا» ۇلتتىق ەل-اۋقات قورى زايمداردى ٶتەۋ ٷشٸن ٶز باستاماسىمەن ۇلتتىق قورعا 554 ميلليارد تەڭگە قارجى اۋدارعان.
حولدينگكە قاراستى كومپانييالاردىڭ بيزنەس-ٷدەرٸستەرٸن تسيفرلىق ترانسفورماتسييالاۋ نەتيجەسٸندە 171 ميلليارد تەڭگە پايدا تٷسكەن.
سونىمەن قاتار مەملەكەت باسشىسىنا وتاندىق تاۋار ٶندٸرۋشٸلەردٸ قولداۋعا باعىتتالعان اۋقىمدى جۇمىستار تۋرالى اقپارات بەرٸلدٸ. 2018-2020 جىلداردىڭ قورىتىندىسىنا سەيكەس ساتىپ الۋلار بويىنشا ٷنەمدەلگەن قارجى 410 ميلليارد تەڭگە بولدى.
اتقارىلعان اۋقىمدى جۇمىستاردىڭ نەتيجەسٸندە «سامۇرىق-قازىنا» حولدينگٸنٸڭ كرەديتتٸك رەيتينگٸ BB+/B «تۇراقتى» دەڭگەيدە ەكەنٸن حالىقارالىق Standart & Poor`s رەيتينگ اگەنتتٸگٸ ناقتىلادى.
احمەتجان ەسٸموۆ «قازمۇنايگاز» ۇلتتىق كومپانيياسى مۇناي باعاسىنىڭ ەدەۋٸر ارزانداعانىنا جەنە OPEC+ كومپانيياسىنىڭ شەكتەۋلەرٸنە قاراماستان, قارجىلىق رەيتينگتە وڭ كٶرسەتكٸشٸن ساقتاپ قالدى.
«قازاقستان تەمٸر جولى» اكتسيونەرلٸك قوعامى سوڭعى 6 جىلدا بٸرٸنشٸ رەت ٶتكەن جىلدى قارجىلىق تۇرعىدان پايدامەن اياقتاعان.
«قازاتومٶنەركەسٸپ» ۇك» اكتسيونەرلٸك قوعامى اكتيۆتەرٸنٸڭ قۇنى IPO-عا (2018 جىلى) شىعارىلعالى بەرٸ 2,1 ميللياردتان 5,1 ميلليارد اقش دوللارىنا دەيٸن كٶتەرٸلگەن.
«سامۇرىق–ەنەرگو» اكتسيونەرلٸك قوعامىنىڭ قارىزى 100 ميلليارد تەڭگەگە ازايىپ, قارجى تۇراقتىلىعىنىڭ «قىزىل» ايماعىنان «جاسىل» ايماعىنا ٶتتٸ.
كەزدەسۋ سوڭىندا قازاقستان پرەزيدەنتٸ «سامۇرىق-قازىنا» ۇەق» اق باسقارما تٶراعاسىنا بٸرقاتار ناقتى تاپسىرما بەردٸ.
