QR Premer-Ministri Asqar Mamin Ulttyq avtomobil pavilonynda bolyp, onda QR-da shyǵarý josparlanǵan elektr avtomobilderiniń modelderimen tanysty, dep habarlaidy primeminister.kz.
Qazaqstandyq elektrokarlar avtoónerkásibiniń jai-kúii men damý perspektivasy jáne «jasyl ekonomika» úshin avtomobil ekologiialyq habyn qalyptastyrý jónindegi sharalar týraly «Qazaqstandyq avtobiznes qaýymdastyǵy» zańdy tulǵalar birlestiginiń prezidenti A. Lavrentev pen JAC Motors bas direktorynyń orynbasary Iýi Ian, «Qazaqstannyń ónerkásip qory» AQ basqarma tóraǵasy N. Baibazarov jáne «ÓKM Operatory» JShS bas direktory M. Qumarǵaliev baiandady.
2021 jyly QR-da avtobýstardy qosa alǵanda, túrli úlgidegi 1200 birlik elektr kóligin shyǵarý josparlanǵan, 2022 jyly bul kórsetkish 2000 birlikke deiin jetkiziletin bolady. Bul kólikter ishki naryqqa jáne shetelge eksportqa shyǵarylatyn bolady.
Búgingi tańda Nur-Sultan qalasynda elektromobilderge arnalǵan 50-den astam qýattandyrý stantsiiasy jumys isteidi. Bul tizimdi Ulttyq pavilon aýmaǵynda ornatylǵan arnaiy aimaqtar tolyqtyrdy, olar bir mezgilde 25 elektromobildi qýattandyrýǵa múmkindik beredi. Úkimet basshysyna JAC IEVS4 jáne JAC IEV7S elektromobilderiniń modelderi, sondai-aq tolyq ólshemdi NIO ES6 jáne NIO ES8 krossoverleriniń úlgisi kórsetildi.
Sharaǵa Premer-Ministrdiń orynbasary R. Skliar, indýstriia jáne infraqurylymdyq damý ministri B. Atamqulov jáne t. b. qatysty.
