Memleket basshysynyń tapsyrmalaryn oryndaý aiasynda Premer-Ministr Álihan Smaiylov geologiialyq barlaý máseleleri jóninde keńes ótkizdi, dep habarlaidy primeminister.kz.
Qazirgi ýaqytta el aýmaǵynda jer qoinaýyn paidalaný quqyǵyn berý úshin shamamen 1 mln 324 myń sharshy shaqyrym alań qarastyrylǵan. Memlekettik jer qoinaýy qoryn basqarý baǵdarlamasyna 1 mln 65 myń sharshy shaqyrym jer qoinaýy qosylǵan, taǵy 259 myń sharshy shaqyrymy qosylady.
Geologiialyq barlaý salasyna investitsiialar tartý, paidalanylmaityn ken oryndaryn igerý maqsatynda jer qoinaýyn paidalaný úshin elimizdiń barlyq qoljetimdi aýmaǵyn ashý josparlanyp otyr.
2022 jylǵy 1 aqpandaǵy jaǵdai boiynsha Qazaqstanda tiisti túrde oryndalmaýyna bailanysty ken oryndaryn igerýge qatysty 31 kelisimshart buzylyp, 101 litsenziianyń kúshi joiyldy.
Qazirgi tańda jer qoinaýyn paidalanýshylardyń kelisimsharttyq mindettemelerin oryndaýyna taldaý jumystary júrgizilip jatyr – anyqtalǵan buzýshylyqtar rettelmese, kelisimsharttar buzylady jáne investitsiia tartý úshin aýktsionǵa shyǵarylady.
Premer-Ministr jer qoinaýyn paidalaný salasynda aýqymdy tekseris jumystaryn jedeldetýdi jáne paidalanylmaityn ken oryndarynyń naqty tizbesin aiqyndaýdy tapsyrdy.
