مەملەكەت باسشىسىنىڭ تاپسىرمالارىن ورىنداۋ اياسىندا پرەمەر-مينيستر ەليحان سمايىلوۆ گەولوگييالىق بارلاۋ مەسەلەلەرٸ جٶنٸندە كەڭەس ٶتكٸزدٸ, دەپ حابارلايدى primeminister.kz.
قازٸرگٸ ۋاقىتتا ەل اۋماعىندا جەر قويناۋىن پايدالانۋ قۇقىعىن بەرۋ ٷشٸن شامامەن 1 ملن 324 مىڭ شارشى شاقىرىم الاڭ قاراستىرىلعان. مەملەكەتتٸك جەر قويناۋى قورىن باسقارۋ باعدارلاماسىنا 1 ملن 65 مىڭ شارشى شاقىرىم جەر قويناۋى قوسىلعان, تاعى 259 مىڭ شارشى شاقىرىمى قوسىلادى.
گەولوگييالىق بارلاۋ سالاسىنا ينۆەستيتسييالار تارتۋ, پايدالانىلمايتىن كەن ورىندارىن يگەرۋ ماقساتىندا جەر قويناۋىن پايدالانۋ ٷشٸن ەلٸمٸزدٸڭ بارلىق قولجەتٸمدٸ اۋماعىن اشۋ جوسپارلانىپ وتىر.
2022 جىلعى 1 اقپانداعى جاعداي بويىنشا قازاقستاندا تيٸستٸ تٷردە ورىندالماۋىنا بايلانىستى كەن ورىندارىن يگەرۋگە قاتىستى 31 كەلٸسٸمشارت بۇزىلىپ, 101 ليتسەنزييانىڭ كٷشٸ جويىلدى.
قازٸرگٸ تاڭدا جەر قويناۋىن پايدالانۋشىلاردىڭ كەلٸسٸمشارتتىق مٸندەتتەمەلەرٸن ورىنداۋىنا تالداۋ جۇمىستارى جٷرگٸزٸلٸپ جاتىر – انىقتالعان بۇزۋشىلىقتار رەتتەلمەسە, كەلٸسٸمشارتتار بۇزىلادى جەنە ينۆەستيتسييا تارتۋ ٷشٸن اۋكتسيونعا شىعارىلادى.
پرەمەر-مينيستر جەر قويناۋىن پايدالانۋ سالاسىندا اۋقىمدى تەكسەرٸس جۇمىستارىن جەدەلدەتۋدٸ جەنە پايدالانىلمايتىن كەن ورىندارىنىڭ ناقتى تٸزبەسٸن ايقىنداۋدى تاپسىردى.
