Byltyrǵydai jem-shóp tapshylyǵy bolmaý úshin «Azyq-túlik kelisimshart korporatsiiasy» forvardtyq satyp alý aiasynda sharýashylyqtardy jemshóp daiyndaýǵa yntaladyrýy kerek. QR Premer-Ministri Álihan Smaiylov Úkimet otyrysynda osyndai tapsyrma berdi, dep habarlaidy QazAqparat.
Úkimet basshysy bul baǵytta memlekettik organdarǵa birneshe naqty tapsyrma júktedi.
«Birinshi, Aýyl sharýashylyǵy ministrligi ákimdiktermen birlesip, áleýmettik mańyzy bar daqyldar men jem-shópti jetkilikti kólemde egýdi qamtamasyz etsin. Ótken jyly elimizdiń keibir aimaqtarynda jem-shóppen qamtamasyz etý boiynsha problemalar bolǵanyn bilemiz. Biyl bul jaǵdai qaitalanbaýy tiis. Sondyqtan «Azyq-túlik kelisimshart korporatsiiasy» óziniń forvardtyq satyp alýy aiasynda sharýashylyqtardy osy jumysqa yntalandyrýy kerek», - dedi Álihan Smaiylov.
Sondai-aq ol sharýalardy sýmen qamtý sharalaryna da toqtaldy.
«Ekinshi, Ekologiia ministrligi Aýyl sharýashylyǵy ministrligimen jáne ákimdermen birge jaz ailarynda sharýalardy sýmen qamtamasyz etý sharalaryn qabyldasyn.
Úshinshi. Indýstriia ministrligi ákimdermen birlesip, birinshi kezekte, ishki naryqty qamtamasyz etý úshin mineraldyq tyńaitqyshtardy óndirýshilermen jumys júrgizsin», - dedi Premer-Ministr.
