بىلتىرعىداي جەم-شٶپ تاپشىلىعى بولماۋ ٷشٸن «ازىق-تٷلٸك كەلٸسٸمشارت كورپوراتسيياسى» فورۆاردتىق ساتىپ الۋ اياسىندا شارۋاشىلىقتاردى جەمشٶپ دايىنداۋعا ىنتالادىرۋى كەرەك. قر پرەمەر-مينيسترٸ ەليحان سمايىلوۆ ٷكٸمەت وتىرىسىندا وسىنداي تاپسىرما بەردٸ, دەپ حابارلايدى قازاقپارات.
ٷكٸمەت باسشىسى بۇل باعىتتا مەملەكەتتٸك ورگاندارعا بٸرنەشە ناقتى تاپسىرما جٷكتەدٸ.
«بٸرٸنشٸ, اۋىل شارۋاشىلىعى مينيسترلٸگٸ ەكٸمدٸكتەرمەن بٸرلەسٸپ, ەلەۋمەتتٸك ماڭىزى بار داقىلدار مەن جەم-شٶپتٸ جەتكٸلٸكتٸ كٶلەمدە ەگۋدٸ قامتاماسىز ەتسٸن. ٶتكەن جىلى ەلٸمٸزدٸڭ كەيبٸر ايماقتارىندا جەم-شٶپپەن قامتاماسىز ەتۋ بويىنشا پروبلەمالار بولعانىن بٸلەمٸز. بيىل بۇل جاعداي قايتالانباۋى تيٸس. سوندىقتان «ازىق-تٷلٸك كەلٸسٸمشارت كورپوراتسيياسى» ٶزٸنٸڭ فورۆاردتىق ساتىپ الۋى اياسىندا شارۋاشىلىقتاردى وسى جۇمىسقا ىنتالاندىرۋى كەرەك», - دەدٸ ەليحان سمايىلوۆ.
سونداي-اق ول شارۋالاردى سۋمەن قامتۋ شارالارىنا دا توقتالدى.
«ەكٸنشٸ, ەكولوگييا مينيسترلٸگٸ اۋىل شارۋاشىلىعى مينيسترلٸگٸمەن جەنە ەكٸمدەرمەن بٸرگە جاز ايلارىندا شارۋالاردى سۋمەن قامتاماسىز ەتۋ شارالارىن قابىلداسىن.
ٷشٸنشٸ. يندۋسترييا مينيسترلٸگٸ ەكٸمدەرمەن بٸرلەسٸپ, بٸرٸنشٸ كەزەكتە, ٸشكٸ نارىقتى قامتاماسىز ەتۋ ٷشٸن مينەرالدىق تىڭايتقىشتاردى ٶندٸرۋشٸلەرمەن جۇمىس جٷرگٸزسٸن», - دەدٸ پرەمەر-مينيستر.
