QR Premer-Ministri Asqar Mamin QR Prezidenti janyndaǵy Tsifrlandyrýdy engizý máseleleri jónindegi komissiianyń otyrysyn ótkizdi, dep habarlaidy primeminister.kz.
«Tsifrlyq Qazaqstan» memlekettik baǵdarlamasyn jetildirý, ishki ister organdaryn tsifrlandyrý jáne jer telimderi men injenerlik kommýnikatsiialardyń tsifrlyq kartasyn jasaý máseleleri qaraldy. Atqarylyp jatqan jumystar týraly tsifrlyq damý, innovatsiialar jáne aeroǵarysh ónerkásibi ministri B. Mýsin, ishki ister ministri E. Turǵymbaev, aýyl sharýashylyǵy ministri S. Omarov, indýstriia jáne infraqurylymdyq damý ministri B. Atamqulov, energetika ministri N. Noǵaev baiandama jasady.
Aǵymdaǵy jyldyń sáýir aiynda Memleket basshysy tótenshe jaǵdai rejiminde tsifrlandyrý jónindegi jumystyń nátijelerine taldaý jasaýdy jáne bólingen qarajatty qaita bóle otyryp, «Tsifrlyq Qazaqstan» baǵdarlamasyn qaita qaraýdy tapsyrdy.
Qoiylǵan mindetterdi sheshý sheńberinde memlekettik organdar, úkimettik emes uiymdar, AKT salasynyń mamandary jáne biznes-qoǵamdastyq ókilderi «Tsifrlyq Qazaqstan» jańartylǵan jobasynyń 10 basymdyqty baǵytyn ázirledi (buryn 5 baǵyt).
Olar áleýmettik qatynastar salasyn tsifrlandyrýdy, energetika men ónerkásipke arnalǵan «Indýstriia 4.0» tehnologiialyq platformasyn, AgriTech jáne Govtech tehnologiialyq platformalaryn qurýdy, sapaly AKT infraqurylymyn jáne aqparattyq qaýipsizdikti qamtamasyz etýdi, «Smartcity» tehnologiialyq platformasyn iske asyrýdy, azamattardyń qaýipsizdik deńgeiin arttyrýǵa arnalǵan tsifrlyq quraldardy, «FinTech» jáne elektrondyq saýdany, jasandy intellektti damytýdy jáne innovatsiialyq ekojúieni qurýdy qamtidy. Memlekettik baǵdarlamanyń jańartylǵan redaktsiiasynda memlekettik organdardyń, densaýlyq saqtaý jáne bilim berý júieleriniń jumysyn jaqsartý, FinTech sektorynyń múmkindikterin keńeitý, aqyldy qalalar júiesin ázirleý, AKT infraqurylymyn damytý jobalaryna erekshe nazar aýdaryldy.
Politsiia qyzmetin tsifrlandyrý sheńberinde Biryńǵai aqparattyq-taldaý júiesin qurý jáne IIM Ahýaldyq ortalyǵyn jańǵyrtý, azamattardyń ótinishterin qabyldaýdyń túrli arnalaryn yqpaldastyrý, oblys ortalyqtaryn, respýblikalyq mańyzy bar qalalar men elordany beinebaqylaý júiesimen tolyq jabý, «Tsifrlyq politsei» jobasyn iske asyrý, qylmystyq-atqarý júiesi mekemeleriniń Keshendi qaýipsizdik júiesin qurý jáne basqa da sharalardy iske asyrý kózdelgen. Jer qory jáne jyljymaityn múlik obektileri týraly ulttyq derekqordy qurý sheńberinde «Jyljymaityn múliktiń biryńǵai memlekettik kadastry» aqparattyq júiesin qalyptastyrý, keńistiktik derekterdiń Ulttyq infraqurylymyn jáne tsifrlyq aýyl sharýashylyǵy kartalaryn ázirleý boiynsha jumys júrgizilýde.
Jer resýrstaryn tsifrlandyrý qorytyndysy boiynsha búkil QR aýmaǵynda ashyq paidalanylatyn tsifrlyq karta, jer qatynastary jáne sáýlet salasynda elektrondyq qyzmetter kórsetý qurylyp, jer ýchaskelerine quqyq berý merzimi 1 jyldan 20 kúnge deiin qysqartylady, memlekettik akti, jerge ornalastyrý jobasy, sondai-aq jer komissiiasy alynyp tastalady. Jalpy, «Tsifrlyq Qazaqstan» memlekettik baǵdarlamasyn ózektendirý aiasynda aǵymdaǵy 125 is-sharaǵa qosymsha 145 jańa is-shara, 3 jańa indikator jáne 41 kórsetkish ázirlendi.
Osylaisha, memlekettik baǵdarlamanyń jańa nusqasynda 15 indikator, 67 kórsetkish jáne 270 is-shara qamtylǵan. Memlekettik baǵdarlamany iske asyrý nátijesinde 2025 jylǵa qarai memlekettik qyzmetterdiń 100%-yn onlain-formatqa kóshirý, tsifrlandyrý salasyna investitsiialar kólemin 500 mlrd teńgege deiin jetkizý, IT jáne elektrondyq ónerkásip eksportynyń kólemin 200 mlrd teńgege deiin jetkizý, 1 myńnan astam jańa innovatsiialyq kompaniialardy qurýǵa jáne 100 myń IT-mamandardy daiarlaýǵa yqpal etý josparlanýda. Premer-Ministr Úkimet otyrysynda qarastyrý úshin «Tsifrlyq Qazaqstan» memlekettik baǵdarlamasynyń jańartylǵan redaktsiiasynyń jobasyn engizýdi tapsyrdy.
