قر پرەمەر-مينيسترٸ اسقار مامين قر پرەزيدەنتٸ جانىنداعى تسيفرلاندىرۋدى ەنگٸزۋ مەسەلەلەرٸ جٶنٸندەگٸ كوميسسييانىڭ وتىرىسىن ٶتكٸزدٸ, دەپ حابارلايدى primeminister.kz.
«تسيفرلىق قازاقستان» مەملەكەتتٸك باعدارلاماسىن جەتٸلدٸرۋ, ٸشكٸ ٸستەر ورگاندارىن تسيفرلاندىرۋ جەنە جەر تەلٸمدەرٸ مەن ينجەنەرلٸك كوممۋنيكاتسييالاردىڭ تسيفرلىق كارتاسىن جاساۋ مەسەلەلەرٸ قارالدى. اتقارىلىپ جاتقان جۇمىستار تۋرالى تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ ب. مۋسين, ٸشكٸ ٸستەر مينيسترٸ ە. تۇرعىمباەۆ, اۋىل شارۋاشىلىعى مينيسترٸ س. وماروۆ, يندۋسترييا جەنە ينفراقۇرىلىمدىق دامۋ مينيسترٸ ب. اتامقۇلوۆ, ەنەرگەتيكا مينيسترٸ ن. نوعاەۆ بايانداما جاسادى.
اعىمداعى جىلدىڭ سەۋٸر ايىندا مەملەكەت باسشىسى تٶتەنشە جاعداي رەجيمٸندە تسيفرلاندىرۋ جٶنٸندەگٸ جۇمىستىڭ نەتيجەلەرٸنە تالداۋ جاساۋدى جەنە بٶلٸنگەن قاراجاتتى قايتا بٶلە وتىرىپ, «تسيفرلىق قازاقستان» باعدارلاماسىن قايتا قاراۋدى تاپسىردى.
قويىلعان مٸندەتتەردٸ شەشۋ شەڭبەرٸندە مەملەكەتتٸك ورگاندار, ٷكٸمەتتٸك ەمەس ۇيىمدار, اكت سالاسىنىڭ ماماندارى جەنە بيزنەس-قوعامداستىق ٶكٸلدەرٸ «تسيفرلىق قازاقستان» جاڭارتىلعان جوباسىنىڭ 10 باسىمدىقتى باعىتىن ەزٸرلەدٸ (بۇرىن 5 باعىت).
ولار ەلەۋمەتتٸك قاتىناستار سالاسىن تسيفرلاندىرۋدى, ەنەرگەتيكا مەن ٶنەركەسٸپكە ارنالعان «يندۋسترييا 4.0» تەحنولوگييالىق پلاتفورماسىن, AgriTech جەنە Govtech تەحنولوگييالىق پلاتفورمالارىن قۇرۋدى, ساپالى اكت ينفراقۇرىلىمىن جەنە اقپاراتتىق قاۋٸپسٸزدٸكتٸ قامتاماسىز ەتۋدٸ, «Smartcity» تەحنولوگييالىق پلاتفورماسىن ٸسكە اسىرۋدى, ازاماتتاردىڭ قاۋٸپسٸزدٸك دەڭگەيٸن ارتتىرۋعا ارنالعان تسيفرلىق قۇرالداردى, «FinTech» جەنە ەلەكتروندىق ساۋدانى, جاساندى ينتەللەكتتٸ دامىتۋدى جەنە يننوۆاتسييالىق ەكوجٷيەنٸ قۇرۋدى قامتيدى. مەملەكەتتٸك باعدارلامانىڭ جاڭارتىلعان رەداكتسيياسىندا مەملەكەتتٸك ورگانداردىڭ, دەنساۋلىق ساقتاۋ جەنە بٸلٸم بەرۋ جٷيەلەرٸنٸڭ جۇمىسىن جاقسارتۋ, FinTech سەكتورىنىڭ مٷمكٸندٸكتەرٸن كەڭەيتۋ, اقىلدى قالالار جٷيەسٸن ەزٸرلەۋ, اكت ينفراقۇرىلىمىن دامىتۋ جوبالارىنا ەرەكشە نازار اۋدارىلدى.
پوليتسييا قىزمەتٸن تسيفرلاندىرۋ شەڭبەرٸندە بٸرىڭعاي اقپاراتتىق-تالداۋ جٷيەسٸن قۇرۋ جەنە ٸٸم احۋالدىق ورتالىعىن جاڭعىرتۋ, ازاماتتاردىڭ ٶتٸنٸشتەرٸن قابىلداۋدىڭ تٷرلٸ ارنالارىن ىقپالداستىرۋ, وبلىس ورتالىقتارىن, رەسپۋبليكالىق ماڭىزى بار قالالار مەن ەلوردانى بەينەباقىلاۋ جٷيەسٸمەن تولىق جابۋ, «تسيفرلىق پوليتسەي» جوباسىن ٸسكە اسىرۋ, قىلمىستىق-اتقارۋ جٷيەسٸ مەكەمەلەرٸنٸڭ كەشەندٸ قاۋٸپسٸزدٸك جٷيەسٸن قۇرۋ جەنە باسقا دا شارالاردى ٸسكە اسىرۋ كٶزدەلگەن. جەر قورى جەنە جىلجىمايتىن مٷلٸك وبەكتٸلەرٸ تۋرالى ۇلتتىق دەرەكقوردى قۇرۋ شەڭبەرٸندە «جىلجىمايتىن مٷلٸكتٸڭ بٸرىڭعاي مەملەكەتتٸك كاداسترى» اقپاراتتىق جٷيەسٸن قالىپتاستىرۋ, كەڭٸستٸكتٸك دەرەكتەردٸڭ ۇلتتىق ينفراقۇرىلىمىن جەنە تسيفرلىق اۋىل شارۋاشىلىعى كارتالارىن ەزٸرلەۋ بويىنشا جۇمىس جٷرگٸزٸلۋدە.
جەر رەسۋرستارىن تسيفرلاندىرۋ قورىتىندىسى بويىنشا بٷكٸل قر اۋماعىندا اشىق پايدالانىلاتىن تسيفرلىق كارتا, جەر قاتىناستارى جەنە سەۋلەت سالاسىندا ەلەكتروندىق قىزمەتتەر كٶرسەتۋ قۇرىلىپ, جەر ۋچاسكەلەرٸنە قۇقىق بەرۋ مەرزٸمٸ 1 جىلدان 20 كٷنگە دەيٸن قىسقارتىلادى, مەملەكەتتٸك اكتٸ, جەرگە ورنالاستىرۋ جوباسى, سونداي-اق جەر كوميسسيياسى الىنىپ تاستالادى. جالپى, «تسيفرلىق قازاقستان» مەملەكەتتٸك باعدارلاماسىن ٶزەكتەندٸرۋ اياسىندا اعىمداعى 125 ٸس-شاراعا قوسىمشا 145 جاڭا ٸس-شارا, 3 جاڭا ينديكاتور جەنە 41 كٶرسەتكٸش ەزٸرلەندٸ.
وسىلايشا, مەملەكەتتٸك باعدارلامانىڭ جاڭا نۇسقاسىندا 15 ينديكاتور, 67 كٶرسەتكٸش جەنە 270 ٸس-شارا قامتىلعان. مەملەكەتتٸك باعدارلامانى ٸسكە اسىرۋ نەتيجەسٸندە 2025 جىلعا قاراي مەملەكەتتٸك قىزمەتتەردٸڭ 100%-ىن ونلاين-فورماتقا كٶشٸرۋ, تسيفرلاندىرۋ سالاسىنا ينۆەستيتسييالار كٶلەمٸن 500 ملرد تەڭگەگە دەيٸن جەتكٸزۋ, IT جەنە ەلەكتروندىق ٶنەركەسٸپ ەكسپورتىنىڭ كٶلەمٸن 200 ملرد تەڭگەگە دەيٸن جەتكٸزۋ, 1 مىڭنان استام جاڭا يننوۆاتسييالىق كومپانييالاردى قۇرۋعا جەنە 100 مىڭ IT-مامانداردى دايارلاۋعا ىقپال ەتۋ جوسپارلانۋدا. پرەمەر-مينيستر ٷكٸمەت وتىرىسىندا قاراستىرۋ ٷشٸن «تسيفرلىق قازاقستان» مەملەكەتتٸك باعدارلاماسىنىڭ جاڭارتىلعان رەداكتسيياسىنىڭ جوباسىن ەنگٸزۋدٸ تاپسىردى.
