Diplomdyq jobaǵa jetekshi retinde praktikterdi tańdaýǵa bolady. Bul týraly QR Bilim jáne ǵylym vitse-ministri Miras Dáýlenov aityp berdi, dep habarlaidy QazAqparat.
«Biz joǵary jáne joǵary oqý ornynan keiingi bilim deńgeii boiynsha memlekettik jalpy bilim berý standartyn ózgerttik. Endi diplomdyq jobalardy jazýǵa nemese daiyndaýǵa jetekshi retinde praktikter tartylýy múmkin. Bul – JOO-lardaǵy óndiris pen teoriialyq oqýdy bailanystyrýǵa kómektesetin mańyzdy ózgeris. Sonymen birge, biz jalpyeýropalyq diplom qosymshasy bilim alýshylarǵa tegin beriledi degen normany engizdik. JOO-lar osy qujatty bergeni úshin aqy almaýy kerek», - dedi Dáýlenov Ortalyq kommýnikatsiialar qyzmetinde ótken brifingte.
Odan bólek, ministrlik memlekettik bilim berý tapsyrysyn ornalastyrýda JOO-larǵa qoiylatyn talaptardy kóterdi. Granttardy respýblikalyq komissiia bóledi. Biyl memlekettik bilim grantyn ornalastyrýǵa 36 joǵary oqý orny jiberilmedi. Onyń negizgi sebepteri – qate derekter berý, sapanyń tómendigi jáne jumysqa ornalasý deńgeiiniń tómendigi.
«Bilim berý grantynyń quny artty. Ony arttyrýda ministr oqytýshylardyń jalaqysyn kóterý mindetin qoidy. 2020 jyldyń birinshi qyrkúieginen bastap memlekettik JOO-larda jalaqy orta eseppen 210 myń teńgege deiin, ulttyq joǵary oqý oryndarynda – 283 myń teńgege deiin kóterildi. Biz sapasyz bilim beretin joǵary oqý oryndaryn ońtailandyrý boiynsha da jumys isteimiz. Jyl basynan beri 26 JOO-da kásibi tekserý júrgizildi, jyl sońyna deiin taǵy bes JOO-da josparlanǵan. Tekserýler qoldanystaǵy zańnamaǵa sáikes júrgiziledi. Nátijesinde, biyl 5 JOO jabyldy, eki JOO boiynsha ministrliktiń bas litsenziiadan aiyrý týraly qaýlysy qabyldandy», - deidi vitse-ministr.
Stýdentter úshin qorqatyn eshteńe joq. Erejege sáikes, stýdentter semestrdiń aiaqtalýyn kútpesten basqa ýniversitetterge aýysa alady.
«Biz qazir qoldanystaǵy zańnamaǵa ózgeris engizýdemiz. Eger JOO-da litsenziia toqtatylsa, stýdentter basqa JOO-ǵa aýysa alady. 25 JOO kadr daiarlaýda beiini joq baǵyttar boiynsha litsenziiaǵa 60 qosymshadan aiyryldy. Biz pedagogikalyq joǵary oqý oryndarynyń zańgerlerdi, ekonomisterdi oqytpaýy úshin, pedagogikalyq kadrlardyń sapasyn arttyrýy úshin jumys istep jatyrmyz», - dedi Miras Dáýlenov.
