ديپلومدىق جوباعا جەتەكشٸ رەتٸندە پراكتيكتەردٸ تاڭداۋعا بولادى. بۇل تۋرالى قر بٸلٸم جەنە عىلىم ۆيتسە-مينيسترٸ ميراس دەۋلەنوۆ ايتىپ بەردٸ, دەپ حابارلايدى قازاقپارات.
«بٸز جوعارى جەنە جوعارى وقۋ ورنىنان كەيٸنگٸ بٸلٸم دەڭگەيٸ بويىنشا مەملەكەتتٸك جالپى بٸلٸم بەرۋ ستاندارتىن ٶزگەرتتٸك. ەندٸ ديپلومدىق جوبالاردى جازۋعا نەمەسە دايىنداۋعا جەتەكشٸ رەتٸندە پراكتيكتەر تارتىلۋى مٷمكٸن. بۇل – جوو-لارداعى ٶندٸرٸس پەن تەورييالىق وقۋدى بايلانىستىرۋعا كٶمەكتەسەتٸن ماڭىزدى ٶزگەرٸس. سونىمەن بٸرگە, بٸز جالپىەۋروپالىق ديپلوم قوسىمشاسى بٸلٸم الۋشىلارعا تەگٸن بەرٸلەدٸ دەگەن نورمانى ەنگٸزدٸك. جوو-لار وسى قۇجاتتى بەرگەنٸ ٷشٸن اقى الماۋى كەرەك», - دەدٸ دەۋلەنوۆ ورتالىق كوممۋنيكاتسييالار قىزمەتٸندە ٶتكەن بريفينگتە.
ودان بٶلەك, مينيسترلٸك مەملەكەتتٸك بٸلٸم بەرۋ تاپسىرىسىن ورنالاستىرۋدا جوو-لارعا قويىلاتىن تالاپتاردى كٶتەردٸ. گرانتتاردى رەسپۋبليكالىق كوميسسييا بٶلەدٸ. بيىل مەملەكەتتٸك بٸلٸم گرانتىن ورنالاستىرۋعا 36 جوعارى وقۋ ورنى جٸبەرٸلمەدٸ. ونىڭ نەگٸزگٸ سەبەپتەرٸ – قاتە دەرەكتەر بەرۋ, ساپانىڭ تٶمەندٸگٸ جەنە جۇمىسقا ورنالاسۋ دەڭگەيٸنٸڭ تٶمەندٸگٸ.
«بٸلٸم بەرۋ گرانتىنىڭ قۇنى ارتتى. ونى ارتتىرۋدا مينيستر وقىتۋشىلاردىڭ جالاقىسىن كٶتەرۋ مٸندەتٸن قويدى. 2020 جىلدىڭ بٸرٸنشٸ قىركٷيەگٸنەن باستاپ مەملەكەتتٸك جوو-لاردا جالاقى ورتا ەسەپپەن 210 مىڭ تەڭگەگە دەيٸن, ۇلتتىق جوعارى وقۋ ورىندارىندا – 283 مىڭ تەڭگەگە دەيٸن كٶتەرٸلدٸ. بٸز ساپاسىز بٸلٸم بەرەتٸن جوعارى وقۋ ورىندارىن وڭتايلاندىرۋ بويىنشا دا جۇمىس ٸستەيمٸز. جىل باسىنان بەرٸ 26 جوو-دا كەسٸبي تەكسەرۋ جٷرگٸزٸلدٸ, جىل سوڭىنا دەيٸن تاعى بەس جوو-دا جوسپارلانعان. تەكسەرۋلەر قولدانىستاعى زاڭناماعا سەيكەس جٷرگٸزٸلەدٸ. نەتيجەسٸندە, بيىل 5 جوو جابىلدى, ەكٸ جوو بويىنشا مينيسترلٸكتٸڭ باس ليتسەنزييادان ايىرۋ تۋرالى قاۋلىسى قابىلداندى», - دەيدٸ ۆيتسە-مينيستر.
ستۋدەنتتەر ٷشٸن قورقاتىن ەشتەڭە جوق. ەرەجەگە سەيكەس, ستۋدەنتتەر سەمەستردٸڭ اياقتالۋىن كٷتپەستەن باسقا ۋنيۆەرسيتەتتەرگە اۋىسا الادى.
«بٸز قازٸر قولدانىستاعى زاڭناماعا ٶزگەرٸس ەنگٸزۋدەمٸز. ەگەر جوو-دا ليتسەنزييا توقتاتىلسا, ستۋدەنتتەر باسقا جوو-عا اۋىسا الادى. 25 جوو كادر دايارلاۋدا بەيٸنٸ جوق باعىتتار بويىنشا ليتسەنزيياعا 60 قوسىمشادان ايىرىلدى. بٸز پەداگوگيكالىق جوعارى وقۋ ورىندارىنىڭ زاڭگەرلەردٸ, ەكونوميستەردٸ وقىتپاۋى ٷشٸن, پەداگوگيكالىق كادرلاردىڭ ساپاسىن ارتتىرۋى ٷشٸن جۇمىس ٸستەپ جاتىرمىز», - دەدٸ ميراس دەۋلەنوۆ.
