Foto: rail-news.kz
Mańǵystaý oblysynda sheteldik áiel kedendik shekaradan iri kólemde alkogol ónimin zańsyz ótkizbek bolǵan, dep habarlaidy Ult.kz.
Beineý aýdany aýdandyq sotynda qaralǵan is materialdaryna sáikes, sheteldik Iu. esimdi azamatsha Eýraziialyq ekonomikalyq odaqtyń kedendik shekarasynan 84 litr alkogoldi zań talaptaryn buza otyryp alyp ótpek bolǵan.
Oqiǵa 20 sáýir kúni Beineý stantsiiasyndaǵy shekaralyq baqylaý kezinde anyqtalǵan. Áiel №329 Dýshanbe – Volgograd baǵytyndaǵy jolaýshylar poiyzynyń 4-vagonynda bolǵan.
Sot dereginshe, ol EAEO men Qazaqstannyń keden zańnamasynda belgilengen shekteýlerdi saqtamai, iri kólemdegi alkogol ónimin jasyryn túrde alyp ótpek bolǵan. Onyń kinási túsiniktemelerimen, ákimshilik hattamamen jáne is materialdarymen dáleldendi.
Sot jaza taǵaiyndaý kezinde aiyptalýshynyń kinásin moiyndap, ókingenin eskerdi. Aýyrlatatyn mán-jailar anyqtalǵan joq.
Nátijesinde, áiel QR ÁQBtK-niń 545-baby boiynsha kináli dep tanylyp, tárkileýmen birge 64 875 teńge kóleminde aiyppul salyndy. Sot qaýlysy zańdy kúshine endi.
