Foto ©️ Tengrinews.kz / Turar Qazanǵapov
Kóliktegi politsiia departamentiniń uiymdasqan qylmysqa qarsy kúres basqarmasynyń qyzmetkerleri júrgizgen jedel-izdestirý is-sharalarynyń nátijesinde buryn alaiaqtyq jasaǵany úshin birneshe ret sottalǵan Semei turǵyny ustaldy, – dep habarlaidy "Ult aqparat" Polisia.kz portalyna silteme jasap.
Ol birneshe jyl boiy ózin “bloger” retinde tanystyryp, Semei arqyly ishki jáne halyqaralyq baǵyttar boiynsha júretin jolaýshylar poiyzynyń qyzmetkerlerin masqaralaityn beinematerialdardy jariialaimyn dep qorqytyp, aqsha bopsalap kelgen.
Kúdikti jolaýshy siiaqty poiyzǵa otyryp, óziniń jeke paidasy úshin jolaýshylar tasymaly salasyndaǵy buzýshylyqtardy telefonyna túsirip, aqsha bopsalaýǵa paidalanǵan.
"Bul qylmys uzaq ýaqyt boiy politsiia qyzmetkerleriniń nazarynan tys qaldy, sebebi jábirlenýshiler qorqyp, quqyq qorǵaý organdaryna júginbegen.
Uiymdasqan qylmysqa qarsy kúres basqarmasyna “signaldar” túse bastaǵannan keiin ǵana kúdiktiniń zańsyz áreketterine tosqaýyl qoiyldy. Qaskói ustalyp, sot sanktsiiasymen qamaýǵa alyndy", – deidi QR IIM uiymdasqan qylmysqa qarsy kúres departamentiniń ókili Qýandyq Alpys.
Qazirgi ýaqytta qylmystyq is boiynsha jolaýshylar poiyzdarynyń 60-tan astam qyzmetkeri jábirlenýshi retinde tanylǵan.
"Aldyn ala tergeý nátijesi boiynsha ustalǵan adamnyń bank shottaryna 2021 jyldan beri 48 mln teńgeden astam qarajat túskeni anyqtaldy.
Qylmystyq is sotqa jiberildi" - delingen habarlamada.
