فوتو ©️ Tengrinews.kz / تۇرار قازانعاپوۆ
كٶلٸكتەگٸ پوليتسييا دەپارتامەنتٸنٸڭ ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ جٷرگٸزگەن جەدەل-ٸزدەستٸرۋ ٸس-شارالارىنىڭ نەتيجەسٸندە بۇرىن الاياقتىق جاساعانى ٷشٸن بٸرنەشە رەت سوتتالعان سەمەي تۇرعىنى ۇستالدى, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
ول بٸرنەشە جىل بويى ٶزٸن “بلوگەر” رەتٸندە تانىستىرىپ, سەمەي ارقىلى ٸشكٸ جەنە حالىقارالىق باعىتتار بويىنشا جٷرەتٸن جولاۋشىلار پويىزىنىڭ قىزمەتكەرلەرٸن ماسقارالايتىن بەينەماتەريالداردى جارييالايمىن دەپ قورقىتىپ, اقشا بوپسالاپ كەلگەن.
كٷدٸكتٸ جولاۋشى سيياقتى پويىزعا وتىرىپ, ٶزٸنٸڭ جەكە پايداسى ٷشٸن جولاۋشىلار تاسىمالى سالاسىنداعى بۇزۋشىلىقتاردى تەلەفونىنا تٷسٸرٸپ, اقشا بوپسالاۋعا پايدالانعان.
"بۇل قىلمىس ۇزاق ۋاقىت بويى پوليتسييا قىزمەتكەرلەرٸنٸڭ نازارىنان تىس قالدى, سەبەبٸ جەبٸرلەنۋشٸلەر قورقىپ, قۇقىق قورعاۋ ورگاندارىنا جٷگٸنبەگەن.
ۇيىمداسقان قىلمىسقا قارسى كٷرەس باسقارماسىنا “سيگنالدار” تٷسە باستاعاننان كەيٸن عانا كٷدٸكتٸنٸڭ زاڭسىز ەرەكەتتەرٸنە توسقاۋىل قويىلدى. قاسكٶي ۇستالىپ, سوت سانكتسيياسىمەن قاماۋعا الىندى", – دەيدٸ قر ٸٸم ۇيىمداسقان قىلمىسقا قارسى كٷرەس دەپارتامەنتٸنٸڭ ٶكٸلٸ قۋاندىق الپىس.
قازٸرگٸ ۋاقىتتا قىلمىستىق ٸس بويىنشا جولاۋشىلار پويىزدارىنىڭ 60-تان استام قىزمەتكەرٸ جەبٸرلەنۋشٸ رەتٸندە تانىلعان.
"الدىن الا تەرگەۋ نەتيجەسٸ بويىنشا ۇستالعان ادامنىڭ بانك شوتتارىنا 2021 جىلدان بەرٸ 48 ملن تەڭگەدەن استام قاراجات تٷسكەنٸ انىقتالدى.
قىلمىستىق ٸس سوتقا جٸبەرٸلدٸ" - دەلٸنگەن حابارلامادا.
