Astana qalasynda sáýleti erekshe meshit ashyldy.
Esil ózeniniń oń jaǵalaýynda ornalasqan meshittiń qurylysy 2016 jyly bastaldy. Jańa meshit qaiyrymdylyq maqsatpen jinalǵan qarajat esebinen turǵyzyldy. Meshit ǵimaraty dástúrli órnekter men dekorativti elementter qoldanyla otyryp, postmodernizm stilinde salynǵan. Negizgi ǵimarat kúrdeli ári jartylai sferalyq nysandy elestetedi. Onyń qabyrǵalary úshburyshtana súiirlenip, diametri 26 metrlik kúmbezben jalǵasqan. Meshittiń syrtqy dizainy gúldi ári almastyń qyrlaryn eske salady.
Meshittiń basty ǵimaratynyń soltústik jaǵynda ornalasqan munaranyń biiktigi – 43,5 metr. Ol «qalam» – «qasietti qaýyrsyn» túrinde boi kótergen.
Jańa meshitti energiia qýatymen qamtamasyz etý úshin paidalanylatyn balamaly energiia kózderi qajetti mólsherden úsh ese kóp elektr qýatyn óndiredi. Jańa meshit 750 adamǵa laiyqtalǵan.
Meshit ǵimaratynyń aýdany – 2248 sharshy metr. Ornalasqan jerdiń aýdany – 1,44 ga.
