Foto: Oner.kz
Memlekettiń qoldaýymen túsiriletin ol filmder prokatqa eki tilde shyǵady, dep habarlaidy Ult.kz Ulysmedia.kz-ǵa silteme jasap.
AQPARAT QAIDAN ShYQTY
Bul týraly premer-ministrdiń depýtattarǵa bergen jaýabynda jazylǵan. Bektenov aldaǵy 10 jylǵa «Qazaq kinosynyń damý strategiiasyn» ázirleý máselesi qolǵa alynǵanyn, jalpy salaǵa reforma júrgizilip jatqanyn habarlaǵan.
Memleket qoldaýymen túsiriletin barlyq filmder qazaq tilinde túsiriledi jáne prokatqa eki tilde shyǵady. Statistikalyq derekter boiynsha, 2024 jyly prokattaǵy qazaq tilindegi filmderdiń úlesi 19 %-ǵa jetken (2023 jyly 16 %). Bul qazaq tilindegi kontentke suranystyń arta túskenin kórsetedi, – delingen jaýapta.
KLÝB QURYLADY
Bektenovtiń jaýabyna sáikes, qazir Ulttyq kinony qoldaý memlekettik ortalyǵy janynan stsenarister, prodiýserler klýbyn qurý jumystary júrgizilip jatyr. 2024 jyly ortalyq janyndaǵy saraptamalyq keńestiń qyzmeti qaita jandanǵan. Keńes múshelerine qoiylatyn talaptar tolyqtyrylǵan. Ulttyq filmderdi memlekettik qarjylandyrýdyń tiimdiligin, ashyqtyǵyn qamtamasyz etý úshin kinojobalardy konkýrstyq irikteý tásilderi ózgertilgen.
QAZAQFILMDI TIKELEI QARJYLANDYRÝ
Aqorda biyl 10 qańtarda prezidenttiń memlekettik bilim berý jinaqtaý júiesi, aqparat, qoǵamdyq damý, mádeniet jáne arhiv isi salalarynda artyq zańnamalyq reglamentteýdi bolǵyzbaý máseleleri boiynsha zańdarǵa qol qoiǵanyn habarlaǵan edi.
Mádeniet jáne aqparat ministri Aida Balaevanyń habarlaýynsha, zańǵa sáikes eldegi basty kinostýdiia - Sháken Aimanov atyndaǵy Qazaqfilminiń jumysyna jańa damý kezeńine qadam baspaq. Endi jyl saiyn filmderge bólinetin jalpy qarjynyń kemi 30 paiyzy tikelei Qazaqfilmge baǵyttalady. Sonymen qatar memleket basshysynyń tapsyrmasy boiynsha kreativti indýstriiaǵa qoldaý kórsetýge arnalǵan memlekettik sharalar kesheni ázirlengen. Osyǵan sáikes talanttardy ashý jáne jobalardy júzege asyrý, infraqurylymdy damytý qazaqstandyq kreativti ónimder men qyzmetterdi halyqaralyq naryqtarda ilgeriletý úshin áleýetti investorlardy tartatyn arnaiy kreativti indýstriiany qoldaý qory óz jumysyn bastaidy. Kreativti indýstriialar salasyndaǵy memlekettik saiasatty qalyptastyrý boiynsha ókiletti memlekettik organnyń quzyreti de naqty bekitildi.
