Astana qalasynda kórý qabileti nashar jandar men kórý qabileti qalypty adamdar arasyndaǵy shekerany joiý maqsatynda “Kózge kórinbeitin álem” atty fotokórme ótip jatyr, -dep habarlaidy Ult.kz.
Kórme alǵash ret Ulybritaniia astanasy Londonda ótkizilip, keiin álemniń birqatar qalalarynda ótipti. Al, elimizde osyǵan deiin Almaty qalasynda 24 qyrkúiek pen 24 qazan aralyǵynda bolyp ótken eken.
Kórmeniń jalpy maqsaty básekege qabiletti qazaq ónerin damytý, áleýmettik-mádeni qundylyqtardy kópshilikke jetkizý jáne kórý qabileti nashar jandardy qoǵamda teń quqyly bolýyn dáripteý. Bul týraly kórme uiymdastyrýshylary aityp ótti.
«Kórmeniń jalpy maqsaty kórý qabileti shekteýli jandar men kórý qabiletinde aqaý joq jandar arasyndaǵy shekarany alyp tastaý. Osy maqsatta kórmege on eki sýretti alyp keldik. Kórý qabileti qalypty adamdarǵa kórýinde aqaýy bar jandardyń ómirin sezinýge osy sýretter múmkindik beredi. Ár sýrettiń ózindik tarihy bar», – deidi sharany uiymdastyrýshy Canon kompaniiasynyń menedjeri Almat Rysqali.
Fotoda: Almat Rysqali, «ÓzgeEpic»
«ÓzgeEpic» kreativ habynda ótken kórmede belgili fotograftardyń jumystary relefti beinelermen, dybystyq sipattarmen jáne Brail qaripti mátinderde usynylǵan. Bul taktildi jáne aýdiovizýaldy elementter kórý qabileti nashar jáne kórmeitin kelýshilerge fotosýretterdi sipap-seziný men dybystar arqyly sheberlerdiń beinelegen obrazdary men oqiǵalar álemine enýge múmkindik beredi.Uiymdastyrýshylardyń sózinshe «Kózge kórinbeitin álem» kórmesi kórý qabiletine qaramastan, ónerge qol jetkizýdi qamtamasyz etý arqyly osy kedergilerdi joiýǵa umtylady.
Osyndai kórmelerdiń mańyzdy ekenin Qazaqstan Respýblikasy Parlamenti májilisiniń depýtaty Dinara Naýmova da aityp ótti.
Fotoda: Dinara Naýmova, «ÓzgeEpic»
«Bul kórme biraz múmkindikterdiń esigin ashty. Óitkeni kórý qabileti shekteýli jandardyń ómiri biz úshin jabyq dúnie boldy», -deidi Dinara Naýmova.
Sondai-aq, depýtat múmkindigi shekteýli jandar men qatar múgedektigi bar balalardy tárbielep otyrǵan analardyń problemalarynda eskerip, olarǵa da erekshe kóńil bólý kerektigin aityp ótti.
Kórmeniń qyzyqty ereksheligi kózi kóretin qonaqtar ózderin kórý qabileti nashar adamdardyń ornyna qoiyp kóre alady. Glaýkoma nemese diabettik retinopatiia siiaqty kórý qabiletiniń túrli buzylystaryn imitatsiialaityn arnaiy simýliator kózildirikter kelýshilerge álemdi basqasha kórýge kómektesedi.
Dúniejúzilik densaýlyq saqtaý uiymynyń málimeti boiynsha, álemde 2,2 milliardtan astam adam ártúrli kórý kemshilikterimen ómir súredi. Al olardyń basym kópshiligi úshin fotografiia, vizýal álemi múldem túsiniksiz. Qazaqstanda shamamen 160 myń adam osyndai shekteýlermen ómir súrýde.
Astanadaǵy kórme aiaqtalǵan soń, kórmeniń bir bóligi Almatydaǵy Ábilhan Qasteev atyndaǵy Memlekettik óner murajaiynyń bas ǵimaratynda (Kóktem-3 yqsham aýdany, 22/1) ornalastyrylady.
Daiyndaǵan: Bekbolat Muhtarov
