استانا قالاسىندا سەۋلەتٸ ەرەكشە مەشٸت اشىلدى.
ەسٸل ٶزەنٸنٸڭ وڭ جاعالاۋىندا ورنالاسقان مەشٸتتٸڭ قۇرىلىسى 2016 جىلى باستالدى. جاڭا مەشٸت قايىرىمدىلىق ماقساتپەن جينالعان قاراجات ەسەبٸنەن تۇرعىزىلدى. مەشٸت عيماراتى دەستٷرلٸ ٶرنەكتەر مەن دەكوراتيۆتٸ ەلەمەنتتەر قولدانىلا وتىرىپ, پوستمودەرنيزم ستيلٸندە سالىنعان. نەگٸزگٸ عيمارات كٷردەلٸ ەرٸ جارتىلاي سفەرالىق نىساندى ەلەستەتەدٸ. ونىڭ قابىرعالارى ٷشبۇرىشتانا سٷيٸرلەنٸپ, ديامەترٸ 26 مەترلٸك كٷمبەزبەن جالعاسقان. مەشٸتتٸڭ سىرتقى ديزاينى گٷلدٸ ەرٸ الماستىڭ قىرلارىن ەسكە سالادى.
مەشٸتتٸڭ باستى عيماراتىنىڭ سولتٷستٸك جاعىندا ورنالاسقان مۇنارانىڭ بيٸكتٸگٸ – 43,5 مەتر. ول «قالام» – «قاسيەتتٸ قاۋىرسىن» تٷرٸندە بوي كٶتەرگەن.
جاڭا مەشٸتتٸ ەنەرگييا قۋاتىمەن قامتاماسىز ەتۋ ٷشٸن پايدالانىلاتىن بالامالى ەنەرگييا كٶزدەرٸ قاجەتتٸ مٶلشەردەن ٷش ەسە كٶپ ەلەكتر قۋاتىن ٶندٸرەدٸ. جاڭا مەشٸت 750 ادامعا لايىقتالعان.
مەشٸت عيماراتىنىڭ اۋدانى – 2248 شارشى مەتر. ورنالاسقان جەردٸڭ اۋدانى – 1,44 گا.
