Qazaqstan syrtqy ister ministrliginiń habarlaýynsha, 2 qarashada Polshanyń Opole Liýbelskoe qalasynda Qazaqstannyń 16 jastaǵy azamatyn atyp ketti. Polshaǵa oqýǵa barǵan ol oqiǵa ornynda jan tapsyrǵan.
Ministrliktiń resmi ókili Aibek Smadiiarovtyń sózinshe, oqiǵaǵa bailanysty tergeý bastalǵan. Kúdikti áli ustalǵan joq.
Polshanyń Liýblinets qalasynyń aýdandyq prokýratýrasy jergilikti basylymdarǵa bergen aqparatyna sai, ol dostarymen birge saiabaqqa alma terýge barǵanda oqqa ushqan. Marqum halyqaralyq baǵdarlama boiynsha Kliýchkovitse-Osedle qalasyndaǵy mektep-internatta oqyp júrgen. Prokýratýra kúdiktini ustaý maqsatynda oqiǵanyń basqa jai-japsaryn aitpaǵan.
Syrtqy ister ministrliginiń málimetinshe, Qazaqstannyń Polshadaǵy elshiligi marqumnyń týystarymen bailanys ornatyp, onyń súiegin elge jetkizý jumystaryn júrgizip jatyr.
