Shymkenttiń «Vostok» shaǵynaýdanyndaǵy bes qabatty úidiń bir páterinde eki bala kóz jumyp, taǵy úsh adam aýrýhanaǵa jetkizildi. Qaiǵyly oqiǵa 19 qazanda bolǵan, dep habarlaidy ult.kz.

Aldyn ala málimet boiynsha, páterde bolǵan bes adamnyń ekeýi — kishkentai ul bala men 15 jastaǵy qyz qaitys bolǵan. Aman qalǵandardyń arasynda úsh jastaǵy sábi de bar. Onyń jaǵdaiy aýyr ekeni habarlandy.

Ne jaǵdai boldy? 

 

Oqiǵa týraly Túrkistannan stýdent qyzyn kórýge kelgen áiel habar bergen. Onyń aitýynsha, páterde jaǵymsyz iis sezilip, keiin ondaǵylar esinen tanyp qalǵan. Shamamen alty saǵattan soń esin jiǵan áiel sol úide turatyn 27 jastaǵy kelinshektiń ápkesine qońyraý shalǵan.

Qyzyn kórýge kelgen ana qaiǵyly jaǵdaidan keiin perzentiniń máiitin alyp, aýylyna attanǵan. Al 27 jastaǵy áieldiń palataǵa aýystyrylǵany aityldy. Jariialanǵan aqparatqa sáikes, ol ulynyń qaitys bolǵanyn áli bilmeidi. Onyń úsh jastaǵy qyzy komada jatyr.

Ólimniń sebebi ne? 
 

Bastapqyda gaz taraýy múmkin degen boljam qarastyrylǵan. Alaida apattyq qyzmet mamandary tekserý kezinde páterden gaz iisin anyqtamaǵan. Sondyqtan balalardyń ólimine naqty ne sebep bolǵany ázirge belgisiz.

Oqiǵadan keiin kópqabatty úilerdegi gaz qubyrlaryn tekserý jumystary kúsheitilgeni habarlandy. Qaiǵyly jaǵdaidyń naqty sebebi saraptama qorytyndysy men tergeý nátijesinde anyqtalady.