قازاقستان سىرتقى ٸستەر مينيسترلٸگٸنٸڭ حابارلاۋىنشا, 2 قاراشادا پولشانىڭ وپولە ليۋبەلسكوە قالاسىندا قازاقستاننىڭ 16 جاستاعى ازاماتىن اتىپ كەتتٸ. پولشاعا وقۋعا بارعان ول وقيعا ورنىندا جان تاپسىرعان.
مينيسترلٸكتٸڭ رەسمي ٶكٸلٸ ايبەك سماديياروۆتىڭ سٶزٸنشە, وقيعاعا بايلانىستى تەرگەۋ باستالعان. كٷدٸكتٸ ەلٸ ۇستالعان جوق.
پولشانىڭ ليۋبلينەتس قالاسىنىڭ اۋداندىق پروكۋراتۋراسى جەرگٸلٸكتٸ باسىلىمدارعا بەرگەن اقپاراتىنا ساي, ول دوستارىمەن بٸرگە ساياباققا الما تەرۋگە بارعاندا وققا ۇشقان. مارقۇم حالىقارالىق باعدارلاما بويىنشا كليۋچكوۆيتسە-وسەدلە قالاسىنداعى مەكتەپ-ينتەرناتتا وقىپ جٷرگەن. پروكۋراتۋرا كٷدٸكتٸنٸ ۇستاۋ ماقساتىندا وقيعانىڭ باسقا جاي-جاپسارىن ايتپاعان.
سىرتقى ٸستەر مينيسترلٸگٸنٸڭ مەلٸمەتٸنشە, قازاقستاننىڭ پولشاداعى ەلشٸلٸگٸ مارقۇمنىڭ تۋىستارىمەن بايلانىس ورناتىپ, ونىڭ سٷيەگٸن ەلگە جەتكٸزۋ جۇمىستارىن جٷرگٸزٸپ جاتىر.
