«Zaman back-2» filminiń premerasynda Dinara Sátjannyń jubaiy, kásipker Jumabek Janyquldyń qatysýymen bolǵan sát áleýmettik jelide talqylanyp jatyr, dep habarlaidy ult.kz.

Taraǵan videodan kásipkerdiń júrgizýshiniń qulaǵyna qolyn tigizip, oǵan birdeńe aitqanyn kórýge bolady. Jazba avtorynyń boljamynsha, ol júrgizýshige eskertý jasaǵan bolýy múmkin.

Buǵan júrgizýshiniń onyń jubaiyn «Dinara Sátjan» dep tanystyrýy sebep bolǵan. Jeli qoldanýshylary kásipkerdiń eskertýin jubaiynyń tegine qatysty dep topshylaǵan.

Sol sátte júrgizýshi dereý “Dinara Janyqul” dep ataidy.

Aita keteiik, Dinara Sátjan toida jastarmen birge tort jep, synǵa qaldy.

Dinara Janyqul kim?

Dinara Janyqul - kópshilikke Dinara Sátjan esimimen tanylǵan qazaqstandyq jýrnalist, telejúrgizýshi jáne kásipker. «Astana» jáne «Habar» telearnalarynda qyzmet atqarǵan. Sán salasynda da jumys istep, «Dinara Satzhan» brendin jáne qazaqstandyq dizainerlerdiń ónimderin usynatyn dúkender jelisin damytqan.

2025 jyly kásipker Jumabek Janyqulovqa turmysqa shyqqanyn habarlaǵan. Budan keiin suhbattarda Dinara Janyqul esimimen de tanystyryla bastady.