Foto: instagram.com/meirkhan_daniyar
Politsiia qyzmetkeri Daniiar Meiirhan ózine qatysty jelide taraǵan daýly aqparatqa pikir bildirdi. Ishki ister ministrliginiń Esirtki qylmysyna qarsy is-qimyl komitetiniń tóraǵasy bul týraly áleýmettik jelidegi paraqshasynda jazba jariialady, dep habarlaidy Ult.kz.
Onyń aitýynsha, ózine qatysty qylmystyq is zań aiasynda toqtatylǵan. Soǵan qaramastan, 36 jastaǵy áiel shaǵym túsirýin jalǵastyryp, endi sotqa júgingen.
"Men azamat ári ofitser retinde bul jaǵdaiǵa sabyrmen qaraimyn. Alaida men týraly jasandy túrde aqparattyq rezonans qalyptastyrylyp jatyr. Keibir taraptar sot pen qoǵamdyq pikirge áser etý úshin áleýmettik jelilerdi paidalanýǵa tyrysyp otyr", dedi Daniiar Meiirhan.
Ol qajet bolǵan jaǵdaida óz ýájin dáleldeitin materialdardy usynýǵa daiyn ekenin jetkizdi. Sondai-aq qyzmeti barysynda árdaiym zań men memleket múddesin basshylyqqa alǵanyn atap ótti.
Sot derekterine sáikes, Astanada atalǵan is boiynsha shaǵym tirkelgen. Sot otyrysy 2026 jyldyń 8 mamyryna belgilengen.
Politsiia qyzmetkeri qoǵamdy emotsiia men qaýesetke ermeýge shaqyryp, shyndyq tek zań men naqty derekter arqyly anyqtalatynyn aitty.
