فوتو: instagram.com/meirkhan_daniyar
پوليتسييا قىزمەتكەرٸ دانييار مەيٸرحان ٶزٸنە قاتىستى جەلٸدە تاراعان داۋلى اقپاراتقا پٸكٸر بٸلدٸردٸ. ٸشكٸ ٸستەر مينيسترلٸگٸنٸڭ ەسٸرتكٸ قىلمىسىنا قارسى ٸس-قيمىل كوميتەتٸنٸڭ تٶراعاسى بۇل تۋرالى ەلەۋمەتتٸك جەلٸدەگٸ پاراقشاسىندا جازبا جارييالادى, دەپ حابارلايدى Ult.kz.
ونىڭ ايتۋىنشا, ٶزٸنە قاتىستى قىلمىستىق ٸس زاڭ اياسىندا توقتاتىلعان. سوعان قاراماستان, 36 جاستاعى ەيەل شاعىم تٷسٸرۋٸن جالعاستىرىپ, ەندٸ سوتقا جٷگٸنگەن.
"مەن ازامات ەرٸ وفيتسەر رەتٸندە بۇل جاعدايعا سابىرمەن قارايمىن. الايدا مەن تۋرالى جاساندى تٷردە اقپاراتتىق رەزونانس قالىپتاستىرىلىپ جاتىر. كەيبٸر تاراپتار سوت پەن قوعامدىق پٸكٸرگە ەسەر ەتۋ ٷشٸن ەلەۋمەتتٸك جەلٸلەردٸ پايدالانۋعا تىرىسىپ وتىر", دەدٸ دانييار مەيٸرحان.
ول قاجەت بولعان جاعدايدا ٶز ۋەجٸن دەلەلدەيتٸن ماتەريالداردى ۇسىنۋعا دايىن ەكەنٸن جەتكٸزدٸ. سونداي-اق قىزمەتٸ بارىسىندا ەردايىم زاڭ مەن مەملەكەت مٷددەسٸن باسشىلىققا العانىن اتاپ ٶتتٸ.
سوت دەرەكتەرٸنە سەيكەس, استانادا اتالعان ٸس بويىنشا شاعىم تٸركەلگەن. سوت وتىرىسى 2026 جىلدىڭ 8 مامىرىنا بەلگٸلەنگەن.
پوليتسييا قىزمەتكەرٸ قوعامدى ەموتسييا مەن قاۋەسەتكە ەرمەۋگە شاقىرىپ, شىندىق تەك زاڭ مەن ناقتى دەرەكتەر ارقىلى انىقتالاتىنىن ايتتى.
