Almaty politsiiasy Olimpiada chempiony Dmitrii Balandinniń ainasynyń urlanýyna bailanysty qylmystyq isti qalai ashqanyn túsindirdi, dedi QazAqparat tilshisi.
«Bul qylmysqa kúdikti retinde Almaty oblysynyń turǵyny, 33 jastaǵy Aidos Ýáliev ustaldy. Qandai qylmysty bolsyn áshkereleý kezinde politsiia qyzmetkerleri úlken jumys atqarady. Bul qylmysty ashý kezinde 45 kameranyń kadrlary qaraldy. Onyń 5-eýinde qylmysker otyrǵan Hyundai kóligi kórinedi. Osy kólikti tabý úshin biz 156 kólikti tekserdik. Bul qylmys ta ashyldy. Kúdikti er adam qasynda turǵan Range Rover kóliginiń de ainasyn alyp ketkeni túsinikti boldy», - deidi qalalyq politsiia departamentiniń basshysy Serik Kúdebaev.
Aita ketý kerek, munyń aldynda Olimpiada chempiony Dmitrii Balandinniń Qurmanǵazy-Baiseiitova kósheleriniń qiylysynda turǵan kóliginiń ainasy urlanǵany týraly aqparat taratqan bolatynbyz. Kóp uzamai politsiia urynyń ustalǵany jóninde málimdedi. Múlkine zaqym keltirgen adamnyń ustalǵanyna riza bolǵan Olimpiada chempiony politsiiaǵa alǵysyn bildirgen-tin.
