الماتى پوليتسيياسى وليمپيادا چەمپيونى دميتريي بالانديننٸڭ ايناسىنىڭ ۇرلانۋىنا بايلانىستى قىلمىستىق ٸستٸ قالاي اشقانىن تٷسٸندٸردٸ, دەدٸ قازاقپارات تٸلشٸسٸ.
«بۇل قىلمىسقا كٷدٸكتٸ رەتٸندە الماتى وبلىسىنىڭ تۇرعىنى, 33 جاستاعى ايدوس ۋەليەۆ ۇستالدى. قانداي قىلمىستى بولسىن ەشكەرەلەۋ كەزٸندە پوليتسييا قىزمەتكەرلەرٸ ٷلكەن جۇمىس اتقارادى. بۇل قىلمىستى اشۋ كەزٸندە 45 كامەرانىڭ كادرلارى قارالدى. ونىڭ 5-ەۋٸندە قىلمىسكەر وتىرعان Hyundai كٶلٸگٸ كٶرٸنەدٸ. وسى كٶلٸكتٸ تابۋ ٷشٸن بٸز 156 كٶلٸكتٸ تەكسەردٸك. بۇل قىلمىس تا اشىلدى. كٷدٸكتٸ ەر ادام قاسىندا تۇرعان Range Rover كٶلٸگٸنٸڭ دە ايناسىن الىپ كەتكەنٸ تٷسٸنٸكتٸ بولدى», - دەيدٸ قالالىق پوليتسييا دەپارتامەنتٸنٸڭ باسشىسى سەرٸك كٷدەباەۆ.
ايتا كەتۋ كەرەك, مۇنىڭ الدىندا وليمپيادا چەمپيونى دميتريي بالانديننٸڭ قۇرمانعازى-بايسەيٸتوۆا كٶشەلەرٸنٸڭ قيىلىسىندا تۇرعان كٶلٸگٸنٸڭ ايناسى ۇرلانعانى تۋرالى اقپارات تاراتقان بولاتىنبىز. كٶپ ۇزاماي پوليتسييا ۇرىنىڭ ۇستالعانى جٶنٸندە مەلٸمدەدٸ. مٷلكٸنە زاقىم كەلتٸرگەن ادامنىڭ ۇستالعانىنا ريزا بولعان وليمپيادا چەمپيونى پوليتسيياعا العىسىن بٸلدٸرگەن-تٸن.
