Foto: ashyq derekkóz
2025 jyldyń eki aiynda Ishki ister ministrligi elimizdiń quqyq qorǵaý organdarymen izdeýde júrgen 311 kúdiktini ustady, - dep habarlaidy Ult.kz.
Onyń ishinde:
- - kisi óltirgeni úshin - 7 adam;
- - qaraqshylyq shabýyl jasaǵany úshin - 1 adam;
- - densaýlyqqa qasaqana aýyr ziian keltirgeni úshin - 6 adam;
- - tonaý jasaǵany úshin - 7 adam;
- - bopsalaý qylmysy úshin – 1 adam;
- - urlyq úshin - 75 adam;
- - esirtkimen bailanysty qylmystar úshin 10 adam quryqtaldy.
Sonymen qatar habar-osharsyz ketken 145 adamnyń júrgen jeri anyqtaldy.
"Ótken jyly Astana qalasynda turatyn azamattyń avtokóligin ashyq túrde tartyp alǵan 40 jastaǵy er adam Túrkistan oblysynda ustaldy. Mańǵystaý oblysynda 50 jastaǵy er adam quryqtaldy. Ol byltyr jazda toǵyz keliden astam gashish satqan", - dedi IIM kriminaldyq politsiia departamentiniń bastyǵy Qanat Nurmaǵambetov.
Qazaqstan politseileri TMD jáne alys shet elder úshin 85 qylmyskerdi ustady.
"Mysaly, Túrkistan oblysynda memlekettik shekaradan ótpek bolǵan kezde eki jyl buryn Máskeý turǵynyn óltirgeni úshin izdeýde júrgen 42 jastaǵy Ózbekstan azamaty ustaldy. Sondai-aq Jambyl oblysynda shetel azamaty ustaldy. 2014 jyly Tájikstan politseileri odan 72 keliden astam gashish tárkilegen", - dedi Qanat Nurmaǵambetov.
Spikerdiń sózinshe, sheteldik áriptestermen turaqty negizde jumys júrgizilýde, sonyń nátijesinde respýblikadan tys jerlerde izdeýde bolǵan 21 adam anyqtalyp, ustaldy.
"Polshadaǵy Varshava áýejaiynda er adam ustaldy. Ol 2014 jyly Qazaqstan Respýblikasy azamattaryn aldap, bir milliondai AQSh dollaryn qoldy etken. Túrkiia Respýblikasynyń Antalia qalasynda 39 jastaǵy áiel ustaldy. Ol da almatylyq turǵyndardy aldap, 146 myń AQSh dollar alǵan. Bul baǵyttaǵy jumys jalǵasýda", - dedi politsiia polkovnigi.
