فوتو: اشىق دەرەككٶز
2025 جىلدىڭ ەكٸ ايىندا ٸشكٸ ٸستەر مينيسترلٸگٸ ەلٸمٸزدٸڭ قۇقىق قورعاۋ ورگاندارىمەن ٸزدەۋدە جٷرگەن 311 كٷدٸكتٸنٸ ۇستادى, - دەپ حابارلايدى Ult.kz.
ونىڭ ٸشٸندە:
- - كٸسٸ ٶلتٸرگەنٸ ٷشٸن - 7 ادام;
- - قاراقشىلىق شابۋىل جاساعانى ٷشٸن - 1 ادام;
- - دەنساۋلىققا قاساقانا اۋىر زييان كەلتٸرگەنٸ ٷشٸن - 6 ادام;
- - توناۋ جاساعانى ٷشٸن - 7 ادام;
- - بوپسالاۋ قىلمىسى ٷشٸن – 1 ادام;
- - ۇرلىق ٷشٸن - 75 ادام;
- - ەسٸرتكٸمەن بايلانىستى قىلمىستار ٷشٸن 10 ادام قۇرىقتالدى.
سونىمەن قاتار حابار-وشارسىز كەتكەن 145 ادامنىڭ جٷرگەن جەرٸ انىقتالدى.
"ٶتكەن جىلى استانا قالاسىندا تۇراتىن ازاماتتىڭ اۆتوكٶلٸگٸن اشىق تٷردە تارتىپ العان 40 جاستاعى ەر ادام تٷركٸستان وبلىسىندا ۇستالدى. ماڭعىستاۋ وبلىسىندا 50 جاستاعى ەر ادام قۇرىقتالدى. ول بىلتىر جازدا توعىز كەلٸدەن استام گاشيش ساتقان", - دەدٸ ٸٸم كريمينالدىق پوليتسييا دەپارتامەنتٸنٸڭ باستىعى قانات نۇرماعامبەتوۆ.
قازاقستان پوليتسەيلەرٸ تمد جەنە الىس شەت ەلدەر ٷشٸن 85 قىلمىسكەردٸ ۇستادى.
"مىسالى, تٷركٸستان وبلىسىندا مەملەكەتتٸك شەكارادان ٶتپەك بولعان كەزدە ەكٸ جىل بۇرىن مەسكەۋ تۇرعىنىن ٶلتٸرگەنٸ ٷشٸن ٸزدەۋدە جٷرگەن 42 جاستاعى ٶزبەكستان ازاماتى ۇستالدى. سونداي-اق جامبىل وبلىسىندا شەتەل ازاماتى ۇستالدى. 2014 جىلى تەجٸكستان پوليتسەيلەرٸ ودان 72 كەلٸدەن استام گاشيش تەركٸلەگەن", - دەدٸ قانات نۇرماعامبەتوۆ.
سپيكەردٸڭ سٶزٸنشە, شەتەلدٸك ەرٸپتەستەرمەن تۇراقتى نەگٸزدە جۇمىس جٷرگٸزٸلۋدە, سونىڭ نەتيجەسٸندە رەسپۋبليكادان تىس جەرلەردە ٸزدەۋدە بولعان 21 ادام انىقتالىپ, ۇستالدى.
"پولشاداعى ۆارشاۆا ەۋەجايىندا ەر ادام ۇستالدى. ول 2014 جىلى قازاقستان رەسپۋبليكاسى ازاماتتارىن الداپ, بٸر ميلليونداي اقش دوللارىن قولدى ەتكەن. تٷركييا رەسپۋبليكاسىنىڭ انتاليا قالاسىندا 39 جاستاعى ەيەل ۇستالدى. ول دا الماتىلىق تۇرعىنداردى الداپ, 146 مىڭ اقش دوللار العان. بۇل باعىتتاعى جۇمىس جالعاسۋدا", - دەدٸ پوليتسييا پولكوۆنيگٸ.
