«Shymkent-Nurly jol» baǵytyndaǵy jolaýshylar poiyzynyń 41 jastaǵy jolaýshysy 1 mln 900 myń teńge qarajaty salynǵan sómkesin joǵaltyp alǵan, dep habarlaidy "Ult aqparat" Kóliktegi politsiia departamentiniń baspasóz qyzmetine silteme jasap.
Osy jyldyń 3 aqpanynda Erbolat Ámirhanov esimdi Qaraǵandy qalasynyń turǵyny Nurly Jol temirjol vokzalyndaǵy Jelilik politsiia bólimshesine kelip, iri kólemdegi aqshasy salynǵan sómkesin joǵaltyp alǵandyǵyn, ony izdeýge kómek surap, ótinish bildirdi.
Onyń aitýynsha, Qaraǵandy stantsiiasynda poiyzdan túsken soń, taksi toqtatqan. Kólikte otyrǵan kezde ǵana aqsha salynǵan sómkesiniń joq ekenin baiqaǵan. Vokzalǵa qaita ainalyp kelgen kezde ózi túsken poiyz bul ýaqytta júrip ketken.
«Budan soń, taksimen poiyzdyń artynan Nur-Sultan qalasyna keldim.
Ile-shala Nurly jol temirjol vokzalyndaǵy jelilik politsiia bólimshesiniń politseilerinen aqshamdy taýyp berý jóninde kómek suradym», - deidi Erbolat.
Ótinish túse salysymen temir jol vokzalynyń patrýldik politsiia tobynyń politsiia serjanty Berik Aqqaliev jedel izdestirý is-sharasyna kirisedi. «Ótinish iesi joǵalǵan sómkede úlken kólemdegi aqshasynyń bar ekendigin aityp, qatty alańdap turǵanyn jetkizdi. Eger sómke jolaýshylar poiyzynda qalǵan bolsa, ony ózimen birge alyp ketetin adamdardyń bolýy da yqimal ǵoi», - deidi politsiia serjanty.
Berik eń aldymen, sómke iesi otyrǵan vagon jolserigimen, basqa da jolaýshylarmen jedel túrde bailanys jasaidy. Jedel áreket pen úilesimdi júrgizilgen sharalardyń nátijesinde 1 900 000 teńge qarajat salynǵan sómke tabylyp, iesine tabystaldy.
Sómkesi qolyna tigen E. Ámirhanov kólik politseileriniń qyraǵylyqtary men kásibi sheberlikterine qairan qalyp, olardyń óz qyzmettik mindetterin adal atqarǵandary úshin júrekjardy alǵysyn bildirdi.
Kólik politseileri bosa, elimizdiń áýe jáne temir jol nysandarynda adamdardyń kóp shoǵyrlanatyndyǵyn taǵy da eske salyp, jolaýshylarǵa baǵaly, qundy zattary men aqsha qarajattaryna barynsha muqiiat bolýǵa shaqyrady.
