«شىمكەنت-نۇرلى جول» باعىتىنداعى جولاۋشىلار پويىزىنىڭ 41 جاستاعى جولاۋشىسى 1 ملن 900 مىڭ تەڭگە قاراجاتى سالىنعان سٶمكەسٸن جوعالتىپ العان, دەپ حابارلايدى "ۇلت اقپارات" كٶلٸكتەگٸ پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
وسى جىلدىڭ 3 اقپانىندا ەربولات ەمٸرحانوۆ ەسٸمدٸ قاراعاندى قالاسىنىڭ تۇرعىنى نۇرلى جول تەمٸرجول ۆوكزالىنداعى جەلٸلٸك پوليتسييا بٶلٸمشەسٸنە كەلٸپ, ٸرٸ كٶلەمدەگٸ اقشاسى سالىنعان سٶمكەسٸن جوعالتىپ العاندىعىن, ونى ٸزدەۋگە كٶمەك سۇراپ, ٶتٸنٸش بٸلدٸردٸ.
ونىڭ ايتۋىنشا, قاراعاندى ستانتسيياسىندا پويىزدان تٷسكەن سوڭ, تاكسي توقتاتقان. كٶلٸكتە وتىرعان كەزدە عانا اقشا سالىنعان سٶمكەسٸنٸڭ جوق ەكەنٸن بايقاعان. ۆوكزالعا قايتا اينالىپ كەلگەن كەزدە ٶزٸ تٷسكەن پويىز بۇل ۋاقىتتا جٷرٸپ كەتكەن.
«بۇدان سوڭ, تاكسيمەن پويىزدىڭ ارتىنان نۇر-سۇلتان قالاسىنا كەلدٸم.
ٸلە-شالا نۇرلى جول تەمٸرجول ۆوكزالىنداعى جەلٸلٸك پوليتسييا بٶلٸمشەسٸنٸڭ پوليتسەيلەرٸنەن اقشامدى تاۋىپ بەرۋ جٶنٸندە كٶمەك سۇرادىم», - دەيدٸ ەربولات.
ٶتٸنٸش تٷسە سالىسىمەن تەمٸر جول ۆوكزالىنىڭ پاترۋلدٸك پوليتسييا توبىنىڭ پوليتسييا سەرجانتى بەرٸك اققاليەۆ جەدەل ٸزدەستٸرۋ ٸس-شاراسىنا كٸرٸسەدٸ. «ٶتٸنٸش يەسٸ جوعالعان سٶمكەدە ٷلكەن كٶلەمدەگٸ اقشاسىنىڭ بار ەكەندٸگٸن ايتىپ, قاتتى الاڭداپ تۇرعانىن جەتكٸزدٸ. ەگەر سٶمكە جولاۋشىلار پويىزىندا قالعان بولسا, ونى ٶزٸمەن بٸرگە الىپ كەتەتٸن ادامداردىڭ بولۋى دا ىقيمال عوي», - دەيدٸ پوليتسييا سەرجانتى.
بەرٸك ەڭ الدىمەن, سٶمكە يەسٸ وتىرعان ۆاگون جولسەرٸگٸمەن, باسقا دا جولاۋشىلارمەن جەدەل تٷردە بايلانىس جاسايدى. جەدەل ەرەكەت پەن ٷيلەسٸمدٸ جٷرگٸزٸلگەن شارالاردىڭ نەتيجەسٸندە 1 900 000 تەڭگە قاراجات سالىنعان سٶمكە تابىلىپ, يەسٸنە تابىستالدى.
سٶمكەسٸ قولىنا تيگەن ە. ەمٸرحانوۆ كٶلٸك پوليتسەيلەرٸنٸڭ قىراعىلىقتارى مەن كەسٸبي شەبەرلٸكتەرٸنە قايران قالىپ, ولاردىڭ ٶز قىزمەتتٸك مٸندەتتەرٸن ادال اتقارعاندارى ٷشٸن جٷرەكجاردى العىسىن بٸلدٸردٸ.
كٶلٸك پوليتسەيلەرٸ بوسا, ەلٸمٸزدٸڭ ەۋە جەنە تەمٸر جول نىساندارىندا ادامداردىڭ كٶپ شوعىرلاناتىندىعىن تاعى دا ەسكە سالىپ, جولاۋشىلارعا باعالى, قۇندى زاتتارى مەن اقشا قاراجاتتارىنا بارىنشا مۇقييات بولۋعا شاقىرادى.
