Almaty qalasynyń Túrksib aýdanyndaǵy jeke turǵyn úilerdiń biriniń jertólesinen polietilenge oralǵan er adamnyń máiiti tabyldy, dep habarlaidy ult.kz.
Politsiianyń málimetinshe, marqumnyń jeke basy anyqtalǵan. Aldyn ala derekke sáikes, ol turǵyn úiler men páterlerge jóndeý jumystaryn júrgizýmen ainalysqan. Qaiǵyly oqiǵa bolǵan kúni ol atalǵan úide bolǵan.
Oqiǵaǵa bailanysty úi iesi ustaldy.
Politseilerdiń habarlaýynsha, kúdiktiniń túsiniktemesine sáikes, er adam ázirge mán-jaiy anyqtalmaǵan jaǵdaida ólimge ákelgen jaraqat alǵan. Alaida ol jedel qyzmetterge habarlap, kómek suraýdyń ornyna máiitti jertólege jasyryp qoiǵan degen boljam bar.
Qazirgi ýaqytta ólimniń naqty sebebin anyqtaý úshin keshendi saraptamalar taǵaiyndaldy. Oqiǵanyń barlyq mán-jaiy boiynsha tergeý amaldary jalǵasyp jatyr.
