Soltústik Koreia lideri Kim Chen Yn 20 sáýir kúni barlyq iadrolyq-raketalyq synaqtardy toqtatatynyn, poligondardy jabatynyn habarlaǵan.
AQSh prezidenti Donald Tramp Tvitterde bul habardy "Soltústik Koreia úshin jáne búkil álem úshin jaǵymdy jańalyq" dep atap ótip, Kim Chen Ynmen kezdesýdi asyǵa kútetinin jazdy.
Biraq kóp sarapshylar Kim Chen Yn óziniń iadrolyq baǵdarlamasynan bas taratady degenge senbeidi.
18 aqpanda AQSh Ortalyq barlaý basqarmasynyń (TsRÝ) direktory Maik Pompeo Phenianda Soltústik Koreia basshysy Kim Chen Ynmen qupiia túrde kezdeskeni habarlanǵan. Pompeo Phenianǵa AQSh pen Soltústik Koreia arasyndaǵy mamyrdyń sońy, ia maýsymnyń basynda ótýi múmkin sammitke daiyndyq aiasynda barǵan.
Aldaǵy aptada Kim Chen Yn Ońtústik Koreia prezidenti Mýn Chje Inmen kezdesedi. Kezdesý Koreia túbeginiń ońtústik jaǵynda bolady. Kim Chen Yn 1953 jyldan beri Ońtústik Koreia aimaǵyna enetin alǵashqy Soltústik Koreia prezidenti bolmaq.
Naýryzdyń sońynda Kim Chen Yn Pekinde Qytai prezidenti Si Tszinpinmen kezdesken.
