سولتٷستٸك كورەيا ليدەرٸ كيم چەن ىن 20 سەۋٸر كٷنٸ بارلىق يادرولىق-راكەتالىق سىناقتاردى توقتاتاتىنىن, پوليگونداردى جاباتىنىن حابارلاعان.
اقش پرەزيدەنتٸ دونالد ترامپ تۆيتتەردە بۇل حاباردى "سولتٷستٸك كورەيا ٷشٸن جەنە بٷكٸل ەلەم ٷشٸن جاعىمدى جاڭالىق" دەپ اتاپ ٶتٸپ, كيم چەن ىنمەن كەزدەسۋدٸ اسىعا كٷتەتٸنٸن جازدى.
بٸراق كٶپ ساراپشىلار كيم چەن ىن ٶزٸنٸڭ يادرولىق باعدارلاماسىنان باس تاراتادى دەگەنگە سەنبەيدٸ.
18 اقپاندا اقش ورتالىق بارلاۋ باسقارماسىنىڭ (تسرۋ) ديرەكتورى مايك پومپەو پحەنياندا سولتٷستٸك كورەيا باسشىسى كيم چەن ىنمەن قۇپييا تٷردە كەزدەسكەنٸ حابارلانعان. پومپەو پحەنيانعا اقش پەن سولتٷستٸك كورەيا اراسىنداعى مامىردىڭ سوڭى, يا ماۋسىمنىڭ باسىندا ٶتۋٸ مٷمكٸن سامميتكە دايىندىق اياسىندا بارعان.
الداعى اپتادا كيم چەن ىن وڭتٷستٸك كورەيا پرەزيدەنتٸ مۋن چجە ينمەن كەزدەسەدٸ. كەزدەسۋ كورەيا تٷبەگٸنٸڭ وڭتٷستٸك جاعىندا بولادى. كيم چەن ىن 1953 جىلدان بەرٸ وڭتٷستٸك كورەيا ايماعىنا ەنەتٸن العاشقى سولتٷستٸك كورەيا پرەزيدەنتٸ بولماق.
ناۋرىزدىڭ سوڭىندا كيم چەن ىن پەكيندە قىتاي پرەزيدەنتٸ سي تسزينپينمەن كەزدەسكەن.
