Petropavldaǵy 2-shi jylý-elektr ortalyǵynda bolǵan apatqa bailanysty tehnogendik sipattaǵy tótenshe jaǵdai jariialanbaq, dep habarlaidy QazAqparat.
Petropavl qalalyq ákimdigi ishki saiasat bóliminiń basshysy Azat Ibraevtyń aitýynsha, ázirge jergilikti masshtabtaǵy tehnogendik sipattaǵy tótenshe jaǵdai jariialanǵan joq. Sheshim 4 shilde kúni ótken qalalyq ákimdik janyndaǵy tótenshe jaǵdailardyń aldyn alý jáne joiý jónindegi komissiianyń otyrysynda qabyldandy. Bul sheshim ashyq normativtik-quqyqtyq aktiler portalynda qoǵam talqylaýyna salynǵan.
Tehnogendik sipattaǵy tótenshe jaǵdai jariialaýdyń maqsaty – Petropavl 2-shi JEO bolǵan apat saldaryn joiý.
«Negizgi mindet – tótenshe jaǵdaidyń yqtimal teris damýyna baǵalaý júrgizý, jylytý maýsymyn qaýipsiz ótkizý úshin qajetti sharalardy qoldaný, qajet bolǵan jaǵdaida áleýmettik mańyzy bar nysandardy jylytý úshin qosymsha jabdyqtar satyp alý», - delingen qaýly jobasynda.
Esterińizge sala ketsek, biyl 20 naýryz kúni Petropavl jylý ortalyǵynyń tútin murjalarynyń biri ishinara opyrylyp qulaǵan edi. Úiindiniń astynda qalǵan jumysshy qaitys boldy. Qylmystyq is qozǵalyp, ortalyq direktory men bas injeneri qamaýǵa alyndy. Tergeý amaldary áli aiaqtalǵan joq.
Sondai-aq Energetika ministri Bolat Aqsholaqov Petropavldaǵy murjasy qulaǵan 2-JEO-da bolyp, nysandy kúrdeli jóndeýge 17,5 mlrd teńge qajet ekenin aitty.
