پەتروپاۆلداعى 2-شٸ جىلۋ-ەلەكتر ورتالىعىندا بولعان اپاتقا بايلانىستى تەحنوگەندٸك سيپاتتاعى تٶتەنشە جاعداي جارييالانباق, دەپ حابارلايدى قازاقپارات.
پەتروپاۆل قالالىق ەكٸمدٸگٸ ٸشكٸ ساياسات بٶلٸمٸنٸڭ باسشىسى ازات يبراەۆتىڭ ايتۋىنشا, ەزٸرگە جەرگٸلٸكتٸ ماسشتابتاعى تەحنوگەندٸك سيپاتتاعى تٶتەنشە جاعداي جارييالانعان جوق. شەشٸم 4 شٸلدە كٷنٸ ٶتكەن قالالىق ەكٸمدٸك جانىنداعى تٶتەنشە جاعدايلاردىڭ الدىن الۋ جەنە جويۋ جٶنٸندەگٸ كوميسسييانىڭ وتىرىسىندا قابىلداندى. بۇل شەشٸم اشىق نورماتيۆتٸك-قۇقىقتىق اكتٸلەر پورتالىندا قوعام تالقىلاۋىنا سالىنعان.
تەحنوگەندٸك سيپاتتاعى تٶتەنشە جاعداي جارييالاۋدىڭ ماقساتى – پەتروپاۆل 2-شٸ جەو بولعان اپات سالدارىن جويۋ.
«نەگٸزگٸ مٸندەت – تٶتەنشە جاعدايدىڭ ىقتيمال تەرٸس دامۋىنا باعالاۋ جٷرگٸزۋ, جىلىتۋ ماۋسىمىن قاۋٸپسٸز ٶتكٸزۋ ٷشٸن قاجەتتٸ شارالاردى قولدانۋ, قاجەت بولعان جاعدايدا ەلەۋمەتتٸك ماڭىزى بار نىسانداردى جىلىتۋ ٷشٸن قوسىمشا جابدىقتار ساتىپ الۋ», - دەلٸنگەن قاۋلى جوباسىندا.
ەستەرٸڭٸزگە سالا كەتسەك, بيىل 20 ناۋرىز كٷنٸ پەتروپاۆل جىلۋ ورتالىعىنىڭ تٷتٸن مۇرجالارىنىڭ بٸرٸ ٸشٸنارا وپىرىلىپ قۇلاعان ەدٸ. ٷيٸندٸنٸڭ استىندا قالعان جۇمىسشى قايتىس بولدى. قىلمىستىق ٸس قوزعالىپ, ورتالىق ديرەكتورى مەن باس ينجەنەرٸ قاماۋعا الىندى. تەرگەۋ امالدارى ەلٸ اياقتالعان جوق.
سونداي-اق ەنەرگەتيكا مينيسترٸ بولات اقشولاقوۆ پەتروپاۆلداعى مۇرجاسى قۇلاعان 2-جەو-دا بولىپ, نىساندى كٷردەلٸ جٶندەۋگە 17,5 ملرد تەڭگە قاجەت ەكەنٸن ايتتى.
