Petropavl turǵyny emhanaǵa jarylǵysh zat ákelip, meditsinalyq qyzmetkerlerge ses kórsetti, dep habarlaidy "Ult aqparat".
Soltústik Qazaqstan oblysy Politsiia departamenti baspasóz qyzmetiniń málimetinshe, oqys oqiǵa búgin tańerteń boldy. 58 jastaǵy petropavldyq 4-qalalyq aýrýhanaǵa kelip, granatamen meditsinalyq qyzmetkerlerdi qorqytqan. Birden politsiiaǵa habar berilip, emdeý mekemesine barlyq tiisti qyzmetter jumyldyryldy.
«102 nómirine habar saǵat 9.10 minýt ketkende tústi. Oqiǵa ornyna barlyq mamandar jóneltildi. № 4 qalalyq emhana ǵimaratynan barlyq meditsinalyq qyzmetkerler men dárigerdiń qabyldaýyna kelgen 100-den astam adam qaýipsiz jerge shyǵaryldy», - deidi SQO PD bastyǵynyń orynbasary Eńbek Sembin.
Granatany jarǵysh tehnikter arnaiy konteinerge ornalastyrdy.
Mamandardyń aitýynsha, F-1 granatasynda tutandyrǵyshy bolmaǵan, iaǵni jarylýy múmkin emes. Er adam ustalyp, istiń mán-jaiyn anyqtaý úshin Petropavl qalalyq politsiia basqarmasynyń Birinshi politsiia bólimine jetkizildi.
Bul fakti QR Qylmystyq kodeksiniń 287-baby 3-bóligi boiynsha sotqa deiingi tergep-tekserýdiń biryńǵai tizilimine engizildi, onyń aiasynda saraptama taǵaiyndalady. Ustalǵan adamnyń aitýynsha, onyń mundai qadamǵa barýyna meditsinalyq mekemeniń sapasyz qyzmeti itermelegen.
Er adam Aýǵan soǵysyna qatysýshy, paralimpiadalyq oiyndarǵa qatysqan.
