پەتروپاۆل تۇرعىنى ەمحاناعا جارىلعىش زات ەكەلٸپ, مەديتسينالىق قىزمەتكەرلەرگە سەس كٶرسەتتٸ, دەپ حابارلايدى "ۇلت اقپارات".
سولتٷستٸك قازاقستان وبلىسى پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, وقىس وقيعا بٷگٸن تاڭەرتەڭ بولدى. 58 جاستاعى پەتروپاۆلدىق 4-قالالىق اۋرۋحاناعا كەلٸپ, گراناتامەن مەديتسينالىق قىزمەتكەرلەردٸ قورقىتقان. بٸردەن پوليتسيياعا حابار بەرٸلٸپ, ەمدەۋ مەكەمەسٸنە بارلىق تيٸستٸ قىزمەتتەر جۇمىلدىرىلدى.
«102 نٶمٸرٸنە حابار ساعات 9.10 مينۋت كەتكەندە تٷستٸ. وقيعا ورنىنا بارلىق ماماندار جٶنەلتٸلدٸ. № 4 قالالىق ەمحانا عيماراتىنان بارلىق مەديتسينالىق قىزمەتكەرلەر مەن دەرٸگەردٸڭ قابىلداۋىنا كەلگەن 100-دەن استام ادام قاۋٸپسٸز جەرگە شىعارىلدى», - دەيدٸ سقو پد باستىعىنىڭ ورىنباسارى ەڭبەك سەمبين.
گراناتانى جارعىش تەحنيكتەر ارنايى كونتەينەرگە ورنالاستىردى.
مامانداردىڭ ايتۋىنشا, ف-1 گراناتاسىندا تۇتاندىرعىشى بولماعان, ياعني جارىلۋى مٷمكٸن ەمەس. ەر ادام ۇستالىپ, ٸستٸڭ مەن-جايىن انىقتاۋ ٷشٸن پەتروپاۆل قالالىق پوليتسييا باسقارماسىنىڭ بٸرٸنشٸ پوليتسييا بٶلٸمٸنە جەتكٸزٸلدٸ.
بۇل فاكتٸ قر قىلمىستىق كودەكسٸنٸڭ 287-بابى 3-بٶلٸگٸ بويىنشا سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸنە ەنگٸزٸلدٸ, ونىڭ اياسىندا ساراپتاما تاعايىندالادى. ۇستالعان ادامنىڭ ايتۋىنشا, ونىڭ مۇنداي قادامعا بارۋىنا مەديتسينالىق مەكەمەنٸڭ ساپاسىز قىزمەتٸ يتەرمەلەگەن.
ەر ادام اۋعان سوعىسىنا قاتىسۋشى, پاراليمپيادالىق ويىندارعا قاتىسقان.
