Almaty oblysynyń Qaskeleń qalasynda qaiǵyly oqiǵa boldy. Jańa týǵan náreste edenge qulap, birneshe kúnnen keiin kóz jumdy, dep habarlaidy ult.kz.
Oqiǵa týraly 2026 jylǵy 21 maýsymda bosanǵan áieldiń ápkesi Threads áleýmettik jelisinde jazdy.
«Keshe men bes kúndik jienimnen aiyryldym. Bosanatyn áieldi zembilmen emes, múgedekter arbasymen bosaný bólimine aparǵan. Sonyń saldarynan sábi qulap ketken», – delingen jazbada.
Avtordyń aitýynsha, áielge kesar tiligi jasalýy tiis bolǵan, alaida sol kúni tolǵaǵy kenetten bastalǵan.
«Bosaný palatasyn izdep ony dálizben alyp bara jatqan kezde ol arbada bosanyp qaldy. Náreste anasynyń qursaǵynan shyǵa salysymen qozǵalys ústindegi arbadan edenge qulaǵan» – dep túsindirdi bosanǵan áieldiń týysy.
Onyń aitýynsha, oqiǵadan keiin dárigerler náresteni qutqarý nemese oǵan kómek kórsetý úshin eshqandai shara qoldanbaǵan.
«Olar balanyń jaǵdaiy jaqsy ekenin aityp, ony anasyna bergen. Kelesi kúni sábi tamaq ishpei qoidy, áreń tynys ala bastady. Sodan keiin ony shuǵyl túrde basqa aýrýhanaǵa operatsiia jasaý úshin aýystyrdy. Ókinishke qarai, bala aman qalmady. Basqa aýrýhananyń dárigerleri bizge balanyń jaraqatpen túskenin aitty. Al endi perzenthana ózderiniń salǵyrttyǵy úshin jaýapkershilikten jaltaryp otyr. Bar kináni bosanǵan áieldiń ózine artýda. Biz barlyq tiisti mekemelerge aryz jazamyz. Biraq soǵan qaramastan, bosanýǵa daiyndalyp júrgen barlyq áielderdi saq bolýǵa, qyraǵy bolýǵa shaqyrǵym keledi» – delingen jazbada.
