الماتى وبلىسىنىڭ قاسكەلەڭ قالاسىندا قايعىلى وقيعا بولدى. جاڭا تۋعان نەرەستە ەدەنگە قۇلاپ, بٸرنەشە كٷننەن كەيٸن كٶز جۇمدى, دەپ حابارلايدى ult.kz.
وقيعا تۋرالى 2026 جىلعى 21 ماۋسىمدا بوسانعان ەيەلدٸڭ ەپكەسٸ Threads ەلەۋمەتتٸك جەلٸسٸندە جازدى.
«كەشە مەن بەس كٷندٸك جيەنٸمنەن ايىرىلدىم. بوساناتىن ەيەلدٸ زەمبٸلمەن ەمەس, مٷگەدەكتەر ارباسىمەن بوسانۋ بٶلٸمٸنە اپارعان. سونىڭ سالدارىنان سەبي قۇلاپ كەتكەن», – دەلٸنگەن جازبادا.
اۆتوردىڭ ايتۋىنشا, ەيەلگە كەسار تٸلٸگٸ جاسالۋى تيٸس بولعان, الايدا سول كٷنٸ تولعاعى كەنەتتەن باستالعان.
«بوسانۋ پالاتاسىن ٸزدەپ ونى دەلٸزبەن الىپ بارا جاتقان كەزدە ول اربادا بوسانىپ قالدى. نەرەستە اناسىنىڭ قۇرساعىنان شىعا سالىسىمەن قوزعالىس ٷستٸندەگٸ اربادان ەدەنگە قۇلاعان» – دەپ تٷسٸندٸردٸ بوسانعان ەيەلدٸڭ تۋىسى.
ونىڭ ايتۋىنشا, وقيعادان كەيٸن دەرٸگەرلەر نەرەستەنٸ قۇتقارۋ نەمەسە وعان كٶمەك كٶرسەتۋ ٷشٸن ەشقانداي شارا قولدانباعان.
«ولار بالانىڭ جاعدايى جاقسى ەكەنٸن ايتىپ, ونى اناسىنا بەرگەن. كەلەسٸ كٷنٸ سەبي تاماق ٸشپەي قويدى, ەرەڭ تىنىس الا باستادى. سودان كەيٸن ونى شۇعىل تٷردە باسقا اۋرۋحاناعا وپەراتسييا جاساۋ ٷشٸن اۋىستىردى. ٶكٸنٸشكە قاراي, بالا امان قالمادى. باسقا اۋرۋحانانىڭ دەرٸگەرلەرٸ بٸزگە بالانىڭ جاراقاتپەن تٷسكەنٸن ايتتى. ال ەندٸ پەرزەنتحانا ٶزدەرٸنٸڭ سالعىرتتىعى ٷشٸن جاۋاپكەرشٸلٸكتەن جالتارىپ وتىر. بار كٸنەنٸ بوسانعان ەيەلدٸڭ ٶزٸنە ارتۋدا. بٸز بارلىق تيٸستٸ مەكەمەلەرگە ارىز جازامىز. بٸراق سوعان قاراماستان, بوسانۋعا دايىندالىپ جٷرگەن بارلىق ەيەلدەردٸ ساق بولۋعا, قىراعى بولۋعا شاقىرعىم كەلەدٸ» – دەلٸنگەن جازبادا.
