Ótken demalys kúnderi Pavlodar oblysynda 11 zańbuzýshylyq oryn aldy, dep habarlaidy "Ult aqparat" Pavlodarnews.kz saityna silteme jasap.
Oblystyq politsiia departamentiniń habarlaýynsha, quramyna politsiia qyzmetkerleri kiretin monitoringtik top oblystyq bas sanitarlyq dárigerdiń qaýlysynda kórsetilgen talaptardy saqtaý maqsatynda turaqty túrde tekseris jumystaryn júrgizip keledi.
- Ótken demalys kúnderi karantin talaptaryn buzǵan 11 fakt tirkeldi. Máselen, 6 tamyz kúni saǵat 20:00-de Qaidarov kóshesinde ornalasqan toihanada 30 adamǵa arnalǵan úilený toiy ótkizilip jatqany anyqtaldy. Monitoringtik toptyń kelgenin bilgen qonaqtar jaýapkershilikten ári joǵary aiyppul arqalaýdan qorqyp, oqiǵa ornynan qasha jóneldi. Ol qatarda úilenip jatqan jas jubailar da boldy. Alaida qashý operatsiiasy sátti aiaqtalmady. Toiǵa kelgen barlyq adam politsiia bólimshesine jetkizildi, deidi Pavlodar qalasy politsiia basqarmasynyń jergilikti politsiia qyzmetiniń bastyǵy Arman Qaptaev.
Atalǵan fakt boiynsha barlyq materialdar jinalyp, QR ÁQBK 425-baby boiynsha ákimshilik jaýapkershilikke tartý úshin sanitarlyq-epidemiologiialyq baqylaý basqarmasyna joldandy. Osy bapqa sáikes úilený toiynyń árbir qatysýshysyna 30 AEK mólsherinde, sondai-aq mekeme iesine 230 AEK mólsherinde aiyppul salynǵan.
Aita ketý kerek, aǵymdaǵy jyldyń basynan beri Pavlodarda monitoringtik toptar sanitarlyq normalardy buzýdyń 146 faktisin anyqtady.
